Нууц мэдээллийн уурхай

Америкийн армийн 24 настай түрүүч Стивен Гарсия өөрөө эгчмэд 31-тэй Маринатай гэрлэсэн. Түрүүчийг Өмнөд Солонгос дахь цэргийн баазад томилогдоход эхнэр нь хэзээ мөдгүй төрөх дөхсөн байжээ.

Цэргийн бааздаа ирсэн хойно эгч нь залгаж эхнэр нь охин төрүүлсэн ч эндсэн гэх аймшигт мэдээг дуулгажээ. Залуу эцгийн уй гашуу хязгааргүй байсан.
-Эгчийнхээ дуулгасан мэдээг сонсоод би биеэ барьж чадалгүй удтал уйлсан. Үгээр хэлэхийн аргагүй хэцүү байсан-
Уй гашууд автсан түрүүч сарын дараа өөр нэгэн цочролд оруулсан мэдээ хүлээж авчээ. Хүүхэд нь амьдаар барахгүй төрсөн эх нь бусдад зарсан нь тогтоогдсон гэнэ. Эхнэр Марина нь хүүхдээ төрмөгц багын найз болох эхнэр нөхөр Лесли болон Алекс Эрнандэс нарт заржээ.

Нярайг худалдаж авсан хосыг Аризона мужийн хил дээр хурд хэтрүүлсэн шалтгаанаар цагдаа нар зогсоож шалгажээ. Бичиг баримтыг нь шалгах үед сандарч мэгдсэн байдал сэжиг төрүүлсэн тул машинд нь нэгжлэг хийгээд дөнгөж төрсөн хүүг олсон.

Хэсэг дээрээ авчиран шалгаад төрөөд дөнгөж гурав хонож байгаа нярайн эцэг эх нь болохыг баталсан бичиг баримт хуурамч болохыг нь тогтоосон. Ийнхүү хүүхдийн наймааны хэрэг дэгджээ. Хэдийгээр Маринаг хүүхдээ яг хэдэн доллароор хэрхэн зарсаныг нь тогтоож чадаагүй ч төрсөн хүүхдээ бусдад шилжүүлсэн нь батлагдсан.

Харин мужийн прокурор наймаа хийгдсэн гэдэгт итгэлтэй байгаа аж. Прокурорын үзэж байгаагаар төрсөн эх нь хүүхдээсээ аль болох хурдан салах зорилготой байсан аж.  Хүүхдийг худалдаж авсан гэх эхнэр нөхөр хоёрт баримт бичиг хуурамчаар үйлдсэн хэмээн гурван жилийн тэнсэн харгалзах ял өгчээ. Харин Маринагийн шүүх хурал сарын дараа болох агаад барьцаагаар сулласан.

Лео гэдэг нэр авсан нярай өдгөө Аризона мужийн Хүүхэд хамгаалах төвд байгаа. Мөрдөн байцаалтын явцад санаанд оромгүй явдал илэрсэн нь хүүхдийн биологийн эцэг нь түрүүч Стивен биш болох нь тогтоогджээ. Үүнээс дутуугүй гайхалтай зүйл нь хүүхдийн эцэг чухам хэн болохыг Марина ч хэлж чадахгүй байгаа аж. Хэдийгээр тэд гэрлэлтийн баталгаатай ч нярай нь цэрэг эрийх биш тул улсын асрамжинд үлдээж улмаар үрчлүүлэх гэнэ. Харин Стивен нь өөр хүнийх ч гэсэн охиныг үрчилж авахаар шийджээ.

-Би ч гэсэн өргөмөл. Намайг өргөж авсан аав маань миний амьдралыг жинхэнэ өөрчилж чадсан. Хэрвээ тэр хүн байгаагүй бол би өнөөдрийн энэ хэмжээнд хүрч чадахгүй байсан. Хэдий минийх биш ч би Леог өргөж аван сайн сайхан бүхнийг түүний төлөө зориулахыг хүсэж байна-
Тэрээр албанаасаа чөлөө авч Америкт иржээ. Эхний ээлжинд гэрлэлтээ цуцлуулаад дараа нь охиныг өргөж авах ажлыг хөөцөлдөх гэнэ.
 

НУУЦ.мн