Хоорондоо "хонь чоно" шиг хоёр багшаас болж сурагчид ДУХАН дээрээ хоёронтоо “2”-ын тоо бичүүлжээ
Нийтэлсэн: 2018-05-20 12:25:01
.jpg)
Gazeta.uz-д мэдээлснээр Узбекистан улсын Ташкент мужийн Бекабада хотын дунд сургуульд гайхалтай хэрэг гарчээ. Энэ сарын 3-нд тус сургуулийн бага ангийн багш М.Хамидова нь гэрийн даалгавар хийгээгүй гэх шалтгаанаар дөрвөн сурагчийн духан дээр “2”-ын тоо бичжээ. Гэтэл түүнтэй таарамжгүй харьцаатай байдаг багш С. Рахмонова маргааш нь болсон явдлыг мэдээд дээрх сурагчдыг дуудан авчраад духан дээр нь дахин “2”-ын тоо зураад зургийг нь авчээ. Дараа нь бага ангийн багш М.Хамидова нь сурагчидтайгаа ёс зүйгүй харьцаж байгаа тухай цахимд мэдээлэл тавьж зургийг оруулсанаар бөөн хэрэг дэгджээ. Болсон явдал цахимд шуугиан тарьсан байна. Мужийн боловсролын газраас шалгалт ирж хэргийг мөрдөн учрыг нь тодруулаад сурагчдын духан дээр “2”-ын тоо зурсан хоёр багшийг хоюуланг нь ажлаас халжээ. Мөн сургуулийн санхүүд шалгалт хийхэд төсвийн 21 сая сум/Узбекистаны мөнгөн тэмдэгт/ шамшигдсан нь илэрч захирал болон дөрвөн удирдах албан тушаалтанг ажлаас нь халж хуулийн байгууллагад шилжүүлсэн байна. Энэ хэргийн дуулианаар хотын боловсролын хэлтсийн дарга мөн арга хэмжээ авхуулжээ.
NUUTS.mn
