Нууц мэдээллийн уурхай

Саяхан УИХ-ын гишүүн асан Ш.Сайхансамбуу “Манай охин улс төрд орсон. МАН-ын эмэгтэйчүүдийн төлөөлөлд гайгүй боловсон хүчин бэлтгэж өгсөн. Тус намын эмэгтэйчүүдийн төвшинд эзэмшсэн  мэргэжлээрээ ч ёс суртахуунаараа  ч миний охин дээгүүрт орно” хэмээн охиноо ил магтсан. Гэтэл Үндэсний цэцэрлэгт хүрээлэнгийн захирал охин нь авга ах  Ш.Баснэгсамбуугийнхаа охин Уянгыг ажилд авчээ. Ийнхүү хамаатнууд нэг дор ажиллаж байгаа нь ашиг сонирхолын зөрчилтэйн дээр ёсзүйн хувьд ч зохимжгүй юм. Б.Уянга нь жирийн ажилтан бус харин харин хурган даргын алба хашдаг гэнэ.

Хэрвээ Ш.Сайхансамбуу охиноо улстөрд хол явах хүн хэмээн дээлний захыг нь мушгиж ёс суртахуунтай хэмээн магтаж байгаа ч ачир дээрээ ах дүү хамаатнууд, ашиг сонирхол нэгтэй бүлэглэлээрээ албан газраа дүүргэдэг одоогийн намчин хурган дарга залуусаас ялгаа алга. Уг нь Б.Уянга нь авга ахынхаа охиноор татуулахгүй “артай” бүсгүй гэнэ. Түүнийг өдгөө Оюутолгойг ТҮЗ-ийн гишүүнээр ажиллаж жилийн 100 мянган доллар халаасалж суудаг МАН-ын Б.Мөнхбаатарын “фракц”-ийх гэдэг.  Нэг хэсэгтээ энэ том компанид дээгүүр албан тушаалд очих нь хэмээн  шивэр авир хийж байсан. Гэсэн ч “хайртай” дарга нь татаж чадахгүй л байгаа бололтой.

С.Эрдэнэтуул нь олон авга нарынхаа дундаа Баснэгсамбуу ахыгаа онцгойлох нь аргагүй юм. Хоёр жилийн өмнө Ш. Сайхансамбуу нь Бамсамбуу дүүтэйгээ “Нарантуул” компаний хувиа булаацалдан муудалцаж бүр шүүхдэлцэж байсан. Дүү  нь төрсөн ахаасаа “Нарантуул трейд” компаний 16.1 хувь болон МАН-ын  Тусгаар тогтнолын ордонд хандивласан гэх 680 мянган доллароо нэхэн бүр шүүхэд өгсөн. Ах нь хариуд нь авч өгсөн баахан машинаа нэхсэн. Дэнжийн мянгын барааны захыг анх 48 сая төгрөгөөр худалдан авсан агаад дүү нь 7.6 сая төгрөг буюу 16.1 хувийг нь гаргасан гэж баталдаг. Ах нь мөнгөнд нь таарсан хувь эзэмшүүлнэ хэмээн олон жил хуурсаар сүүлд нь намын байранд хандив өгөх хэрэгтэй байна, энэ удаад тусалбал хувийг чинь өгнө гэсэнд дүү нь 680 мянган долларыг ахынхаа нэрээр МАН-ынханд өгсөн ч 16.1 хувийг нь нэр дээр нь шилжүүлээгүй. Хамаатан садны энэ том дайсагналцалын үеэр Баснэгсамбуу нь Сайхансамбуугийнхаа талд орж байсан гэдэг. С.Эрдэнэтуул 2016 онд  Баянзүрх дүүргийн НИТХ-д нэр дэвшин сонгогдсон. Тэр үед дөрвөн ч удаа гурил, сурагчийн дүрэмт хувцас, сурах бичиг ном дэвтэр тараасан. Өгдөг гол бэлэг нь аавынх нь Завхан дах гурилын үйлдвэрийн “Өгөөмөр” гурил.

Өгөөмөр шар талд байдаг талбай нь Монголын анхны бүрэн усалгаатай талбай гэдэг. Ш.Сайхансамбуу үйлдвэрийг  УИХ-ын гишүүн болсон жилээ дараагийн сонгуульд нутгаасаа гарах зорилгоор байгуулсан ч нэр дэвшиж чадаагүй. Гэхдээ аавд нь тус болоогүй гурил өдгөө охинд нь хэрэг болж байна. Нарантуулын босс охиноо Оксфордод 70 мянган доллароор сургасан гэдэг. Харин УИХ-ын сонгуульд бэлдүүлэн баянзүрхчүүдэд танил болгохын тулд хэдэн зуун тонн гурил зарцуулахыг бид таашгүй.
 

НУУЦ.мн