Нууц мэдээллийн уурхай

ДейлиМэйл –д мэдээлснээр Америкийн Мичиган мужийн Вей-Сити хотын 33 настай Кевин Пшитула нь найз хүүхэн болох 27 настай Алиис Антерд хотын нэгэн жижигхэн хөшөөний дэргэд гэрлэх санал тавихаар төлөвлөжээ. Амраг хүүхэн нь гурван настай Оуэн гэдэг хүүтэй бол Кевин нь 11-тэй охинтой.  Кевины гэрлэх санал тавих нь төлөвлөгөөний дагуу болох ёстой ч нэгэн санаанд оромгүй явдал гарчээ. Кевин төлөвлөсний дагуу хөшөөний дэргэд сөхрөн сууж бөгжөө гаргажээ.

Харин бяцхан хүүд томчуудын сэтгэл зүрхний явдал огт сонирхолгүй байсан агаад харин биеийг нь өөр зүйл зовоож байсан нь морь харах байжээ. Хүү өмдөө шувтлан шууд морь харжээ.

Аз жаргалдаа бялхсан ээж ирээдүйн хойд аав хоёр нь түүнийг анзаарсангүй. 

Дараа нь гэнэт харж бөөн инээдэм болжээ.

Бичлэг хийсэн Пшитулагийн охин инээдээ барьж чадахгүй байна.  Ээжийх нь хэлсэнээр хүү нь одоо болтол хөтөвчинд сууж сураагүй, хаа явсан газартаа морь харчихдаг хэнэггүй эр гэнэ.

Энэ бичлэгийг Facebook-д оруулсан ч удалгүй хаагдсан агаад энэ зуурт 56 мянган хүн үзэж 300 удаа шейрлэгджээ.

NUUTS.mn