Нууц мэдээллийн уурхай

Энэ явдал Төв аймгийн Заамар сумын Хайлааст 3-р багийн нутаг Авдар Баян гэх газарт байдаг Хятадын хөрөнгө оруулалттай алтны уурхай дээр болсон. Д.Э гэх залуугийн эгчийх нь уурхайн ойрхон нутагладаг агаад хятадууд энэд тэнд баахан газар ухаж өргөст төмөр татжээ. Монгол айлын мал нүхэнд нь унаж гэмтэж бас төмрөнд нь нүдээ сохолсон явдал хэдэнтээ гарчээ. Хүүхдүүд ч унаж магадгүй болжээ. Дээр нь хог хаягдлаа ил задгай хаяж байгаль орчин бохирдуулсан. Д.Э нар нь хэд хэдэн удаа очиж ухсан нүхээ булж өргөст төмрөө авах, хог хаягдлаа цэвэрлэхийг шаардсан ч хүлээж авсангүйд эцэстээ ийм ноцтой хэрэгт хүргэжээ. Тухайн өдөр Д.Э нь найз нарын уурхай дээр машинтай очжээ. Тэд өмнөх шаардлагаа тавих үед хятадуудтай маргалдаж улмаар зодолджээ. Нэг хятадыг нь уурхайн монголчууд хамгаалахад нөгөөх нь болох Юүй Шүэ Ганг/Yu Xuengang/  нь уул өөд зугтаасан байна. Монгол залуу араас нь машинаараа хөөж мөргөн унагаад торцоовоор толгой руу нь цохиж хүнд гэмтэл учруулжээ. Цохилтонд өмсөж байсан хамгаалалтын дуулган малгай нь хага үсэрчээ. Тэр дор нь эмнэлэг түргэн дуудсан гэнэ. Хэрвээ хятадууд монгол малчдын шаардлагыг хүлээн авч ухсан нүхээ булсан бол ийм явдал болохгүй байжээ. Гэрч нарын мэдүүлсэнээр орчуулагч нь нүхээ булах шаардлагыг нь мөнгө нэхэж байна хэмээн буруу орчуулсанаас зодоон үүссэн гэнэ. Шүүх саяхан энэ хэргийг хэлэлцээд буруутай монгол залууг 10 сая төгрөгөөр торгосон байна. Тэрээр газар нутгаа хамгаалсанаа зөв гэж үзэж байгаа ч буруу аргаар хэрэгжүүлсэн гэдгээ хүлээн зөвшөөрчээ.

НУУЦ.мн