Нууц мэдээллийн уурхай

Инденезийн Бали арлын Денпасар хотын 26 настай Рико Согиарто гэдэг залуу нэгэн гудамжны мухарт хогон дундаас гэдэг яс арьс болтлоо тураалдаа орж доройтсон нохойг олж харжээ. Нохойны байдал маш аймшигтай, туйлын өрөвдөлтэй байв. Ясан дээр тохсон арьс болсон байжээ. Өөх махан давхарга өчүүхэн төдий ч үлдсэнгүй.

Шим тэжээлийн дутагдлаас болж арьсных нь үс нь унаж зулгараад бүрэн дуусах шахжээ. Үс унасан хэсгээр яс нь гарч бие битүү яр шархаар дүүрчээ. Нохой бараг үхлийн даваан дээр байсан ч гүн цэнхэр нүд нь гал цогоо алдаагүй нь гайхал төрүүлжээ. Мөн нохой сайн мэддэг хүн л цэвэр үүлдрийн хаски болохыг нь танихаар байв. Залуу нохойг аврахаар шийджээ.  Ингээд нохойг гэртээ авчиран цэвэрлэж яр шархыг нь угааж ариутгажээ.

Эхлээд бага багаар хооллож эхэлсэн байна. Нохойны сэргэлтийн байдалд тааруулан хоолных нь хэмжээг нэмжээ.

Тогтмол хооллож сайн арчилсаны ачаар нохойн биеийн байдал өдөр ирэх тутам дээрдсан.

Залуу нохойдоо Хоуп буюу англиар “итгэл найдвар” гэсэн нэр өгчээ.

Ингээд арван сарын дараа гялалзсан гайхалтай төрхөндөө оржээ.

Зохих жинд хүрч хүч тамир сууж цог жавхаагаар дүүрчээ. Хоуп мөхөөлдөсөнд маш их дуртай гэнэ.

-Би зүгээр хажуугаар нь өнгөрөөд явж болох л байсан. Гэсэн ч хүмүүс бид зөвхөн өөрсөддөө гэлтгүй амьтад ч тусалж байх ёстой-

Өдгөө Хоупын нүд нь улам бүр галалзсаар байна.

NUUTS.mn