Нууц мэдээллийн уурхай

Миррор –д мэдээлснээр Зимбабве улсын теннисний шигшээ багийн тамирчин бүсгүй Занеле Ндлову болон англи залуу Жэйми Фокс нарын хурим 4-р сарын  сүүлээр болохоор товлогджээ. Хуримынхаа өмнө залуу хос зэрлэг ан амьтад, үзэсгэлэнт байгалиараа алдартай Замбези голын хөндийгээр аялжээ. Энд заан арслан, анааш байдгаас гадна гол нь 4-5 метр урт махчин матар ихтэй.

Харин залуу хос энэ аюулыг үл тоон Замбези голоор хийлдэг завьтай зугаалжээ. Гэнэт тэдэн лүү аварга том биетэй матар дайрч сүйт бүсгүйн баруун гарыг тас хазан залгиад зүүн гарыг нь хазаж шархдуулжээ. Энэ үед сүйт залуу нь айж хулчийлалгүй бүсгүйгээ хамгаалан сэлүүрээрээ матрыг цохиж хөөж холдуулсан байна. Өрөөсөн гараа бугуйнаасаа дээгүүр тас хазуулсан бүсгүй их цус алдсан ч эмнэлэгт хурдан хүргэсний ачаар амийг нь авачр чадсан. Хэдийгээр өрөөсөн гаргүй болж маш их цус алдаж  бие нь суларсан байсан ч африк бүсгүй хоёрхон өдрийн дараа болох хуримаа хойшлуулахыг хүсээгүй байна. Ингээд их хүч зориг гарган хуримандаа иржээ. Түүний тас хазуулсан гар нь боолттой байжээ.

Мөн матрын шүдэнд шархадсан зүүн гар нь ч боолттой байсан.

Энэ гаранд нь нөхөр нь хуримын бөгжийг нь зүүж өгчээ.

Сүйт бүсгүй зүүн гараараа гэрлэлтийн баталгаанд гары үсэг зуржээ.

-Энэ бол жинхэнэ хайрын түүх, бүсгүй ирээдүйн нөхөрдөө ямар их хайртайгаа харуулж чадлаа. Түүний хайрын дэргэд аймшигт матар юу ч биш. Харин ч тэдний хайр улам их болсон-
Тус улсад өнгөрсөн жилд л гэхэд 27 хүн матард бариулсан байна.

НУУЦ.мн