Нууц мэдээллийн уурхай

Энэ явдал 2016 онд Сонгинохайрхан 25 дугаар хороо Одонтын ... тоотод гарсан агаад хохирогчийн ээж нь цагдаад өргөдөл гаргамагц сэжигтэн болох Боржигон овогт Д-гийн Ө нь оргон зайлаад 1,6 жилийн дараа буюу саяхан баригджээ. Сантехникч мэргэжилтэй тэрээр бага насны хоёр хүүхэдтэй өрх толгойлсон эмэгтэй Х-д алхам алхмаар ойртсоор сүүлдээ гэрт нь орж хонодог болоод энэ бузар хэргийг үйлджээ. Эхлээд танилцаж дараа нь хашаанд нь ирээд хэсэгтээ нүүрсний пинд нь амьдарсан гэнэ. Удалгүй гэрт нь хонох болжээ. Хоёр хүүхэд нь Өлзийг ээжийн найз гэж ярьдаг байжээ.  Ээжийн найз нь гэрт нь хонож эхэлсэний дараа 14 настай том охин нь гэртээ харих дургүй болсоныг хамаатнууд нь ажигласан байна. Үдэш орой гэртээ харь гэхэд явдаггүй байжээ. Ингээд асууж шалгаасаар “ээжийн найз” нь оролдсон болохыг  хэлүүлж авсан байна.  Наадамын өмнөхөн буюу 7-р сарын 9-нд ээж нь өглөө эрт ажилдаа явж найзтай нь хамт хоюулханаа үлдсэн байна.  Ээжийг нь  гарсаны дараа найз нь гэнэт хөнжилд нь орж ирээд дайрчээ. Охин гар утсаараа залгаж тусламж дуудах гэхэд утсыг нь булаан авч чулууджээ.  Эрхтэн лүү нь хуруугаа хийж хөх өгзөгийг нь базалж хүчирхийлсэн байна. Бузар санаагаа гүйцэлдүүлсэний дараа нь хүнд хэлбэл чамайг өөр хүнээр алуулна шүү гэж охиныг айлгаад гараад явжээ. Охины хэлсэн бүхнийг нагц эгч нь ээжид нь дамжуулж тэд цагдаад өргөдөл гаргажээ. Цагдаа шалгаж эхлэхэд  найз Өлзий нь 1,6 жил хэртэй мөрдөн байцаалтаас оргож зайлжээ. Баригдсан хойноо бэлгийн чадваргүй хэмээн биеэ хамгаалсан байна. Тэрээр “... Би бэлгийн чадваргүй,  2008 оноос хойш миний бэлгийн чадвар муудаж эхлээд 2012 оноос хойш эмэгтэй хүнтэй бэлгийн харьцаанд орж чадахгүй болсон. Миний бэлэг эрхтэн хөвчирөхөө больсон. Х надтай 2010 оноос хойш гэрлэнэ сууна гэж ярьдаг байсан. Би одоо ч тэр хүнийг хайрлаж явдаг. Х миний бэлгийн чадваргүйг мэднэ. Өөр хүн мэдэхгүй. Би эмнэлэг болон өөр ямар нэгэн газар үзүүлж байгаагүй. Намайг бэлгийн чадваргүй болохоор Х салъя гэж шийдээд охиныг нь хүчирхийлсэн гэх хэргийг дэгдээсэн байх гэж бодож байна. ...” гэжээ. Гэхдээ шүүх эмнэлгийн шинжилгээгээр бэлгийн харьцаанд орох чадвартай нь тогтоогджээ.

НУУЦ.мн