Нууц мэдээллийн уурхай

Sun –д мэдээлснээр Жэк гэдэг англи эрийн эхнэр 31 настай Эмми Коатс 2016 оны 12-р сард хорт хавдар туссан гэсэн шинжилгээний дүгнэлт гарчээ.  Эмч нар ядаж хагас жилийн өмнө мэдсэн бол эмчилж болох байсан гэжээ. Багахан хугацаа үлдсэнийг ухаарсан хосод хамтдаа бүтээх ёстой нэгэн том ажил байсан нь хүүхэдтэй болох байсан гэнэ. 

Эхнэр нь хоёр ч удаа жирэмсэлсэн ч бүтэлгүйдсэн тул тээгч эх хөлслөхөөр шийджээ. Гэсэн ч эхнэр нь тээгч эхээс гарах хүүхдээ харж чадалгүй бурхан болжээ. Тэгээд ч тээгч эхийн жирэмслэлт мөн л бүтэлгүйдсэн байна.

-Хэдий бүх зүйл муугаар төгссөн ч талийгаач эхнэр маань энэ хорвоо дээр өөрийн үр удмаа  үлдээсэн гэсэн бодолтойгоор нөгөө ертөнцөд одсон-
Жэкийг хүмүүс талийгаач эхнэртээ их хайртай байсан гэж боддог байжээ. Эхнэрийнхээ хойноос буян их үйлдэж мөн  дурсгалд нь зориулан 10 удаагийн марафон гүйлтэнд оролцохоор төлөвлөсөн байна. Гэсэн ч тэрээр оршуулгаас хойш ердөө гуравхан сарын дараа Жэнни гэдэг бүсгүйтэй ил цагаан болзож эхэлжээ.

Хүмүүс гайхаж цочирдсон ч хариулт нь бүсгүйн царай төрхөнд байжээ. Шинэ эмэгтэй Жэкийн талийгаач эхнэртэй усны дусал шиг адилхан аж. 

Бурхан болоочоо санаж ганьхарсан эр эхнэртэйгээ дэндүү төстэй бүсгүйг олж сэтгэлийн тайтгарал олох гэсэн аж. Хүмүүс үүнийг нь ойлгосон ч экс хадмууд нь ойлгоогүй байна. Эхнэрээ оршуулаад гурван ч сар бололгүй  өөр эмэгтэйтэй орооцолдсон Жэктэй талийгаачийн эгч нь зад хэрэлдсэн гэнэ. Гэсэн ч тэрээр сонголтоосоо буцаагүй агаад шинэхэн амрагаа дагуулан эхнэрийнхээ дурсгалд зориулан оролцох гүйлтийн бэлтгэлдээ хамт гарчээ.
 

NUUTS.mn