9 хүүхэдтэй марокка эр ҮРГҮЙ гэдгээ 35 жилийн дараа мэджээ
Нийтэлсэн: 2018-04-19 13:59:43
.jpg)
Марокка улсын цахимд мэдээлснээр Сиди-Слиман гэдэг жижигхэн хотын есөн хүүхэдтэй өнөр өтгөн өрхийн тэргүүн үр тогтоох чадваргүй гэдгээ 35 жилийн дараа мэдэж амьдрал нь хөмрөх шиг болжээ. Нэрийг нь нууцалж байгаа азгүй эр өдгөө 50 гарсан настай гэнэ. Түүний ууган хүүхэд нь 35 настай, өөрөө ч аль хэдийн өвөө болсон байжээ. Бүх зүйл тэрээр нас ахисан тул эмнэлгийн шинжилгээнд орох шийдвэр гаргаснаас эхэлжээ. Элэг зүрх гэх эрхтнийх нь шинжилгээ муу гарна хэмээн хүлээж байтал огт өөр буюу бэлгийн болон шээс боловсруулах эрхтнийх шинжилгээ эргэлзээтэй гарчээ. Нарийвчилсан шинжилгээний явцад тухайн эр үргүй буюу үр тогтоох чадваргүй байсан нь тогтоогджээ. ДНК-ийн шинжилгээгээр хүүхдүүд нь өөр хүнийх гэдэг нь мөн батлагдсан байна. Өдгөө тэрээр эхнэрээсээ салах өргөдөл гаргасан агаад лалын шажинт орны хувьд эхнэрт нь эр нөхрөө араар тавьсан хэмээн эрүүгийн хэрэг үүсгээд байна.
НУУЦ.мн
