Нууц мэдээллийн уурхай

News.com-д мэдээлснээр Нью-Йоркын Манхэттэны банкир Стив Ротштейн нь 1987 онд “ American Airlines” нисэх компаний бүх насаараа үнэгүй зорчих бизнес-ангилалын алтан тийзийг 250 мянган доллароор худалдаж авчээ. Тэрнээс хойш банкир нийтдээ 21 сая долларын үнэ татсан 10 мянган удаагийн нислэг үйлдэж  авиа компанийг айхтар алдагдалд орууожээ. Банкир тийзээ төөрөлдсөн хамаатан саднуудыг уулзуулах, Лувр үзэх гэсэн уран зургийн хорхойтон, Ромын Пап ламд мөргөх гэсэн мөргөлчид гээд боломжит бүхий л аргаар буян үйлдэх маягаар ашиглуулж иржээ. Түүний хүүхдүүд нь дэлхийгээр тойрон аялжээ. Хүү нь дэлхийн томоохон хотуудад болдог спортын том тоглолтуудыг тасралтгүй үздэг байжээ. Швейцарьд сурдаг охин нь долоо хоног бүрийн сүүлээр гэртээ ирдэг байсан гэнэ. Өөрөө ч байнга аялдаг байсан тул “American Airlines”-ийн захирлуудтай тааралдсаар бүр танилцжээ.
-Надад нисэх нь маш амархан байлаа. Ердөө захиалга өгөөд л дуртай рейсээрээ нисдэг байсан-
2004 онд банкир Канадын Шинэ Шотланд муж, Америкийн Мэн, Лондон, Лос-Анжелос, Денвер хот гээд нийтдээ 18 удаа нисжээ. Маймид нисэж ирээд байхад нь уулзалт нь нэг өдрөөр хойшлоход тэр хооронд амжаад Венесуэлийн нийслэл Каракас хотод очоод ирж байжээ. Ердөө “Geoff’s” гэдэг алдартай сэндвичийг нь идэхийн тулд нисээд Род-Айландын Провиденс хотод очоод ирж байжээ.
-Хагас сайнд төлөвлөсөн ажил байхгүй байхаар нь өглөө нь нисээд л Детройтод очиж түрээсийн машин аваад Онтарио хот орж өдрийн хоол идээд далимд нь 50-100 доллароор канадын бэлэг дурсгалын зүйл аваад буцаад нисэж оройн хоолны өмнө гэртээ ирж байлаа-
Мөн хүмүүсд байнга ашиглуулдаг байжээ.
-Нэг удаа шалихгүй зорилгоор нисэх гэж очтол нислэгээсээ хоцорсон эмэгтэйтэй таарсан. Тэрээр гэрт нь хүүхдүүд нь хүлээж байгаа гээд тэр хавиар уйлан дуугарч яваад байхаар нь өөрийнхөө нэрээр нисгэчихсэн-
Энэ мэт буяны ажиллагаа нь л хэтэрсэн тул “American Airlines” түүний тийзийг хүчингүй болгожээ. Бүр ээлжит туслалцаагаа үзүүлж байхад нь цуцалсан тул банкир тун эвгүй байдалд орсон гэнэ. Дээр нь нисэх компани түүнийг хууран мэхлэх үйл ажиллагаа явуулсан хэмээн буруутгасан тул цочролд оржээ.
-Би гэртээ ирээд хэд хоног гаралгүй хэвтсэн. Насаараа үнэгүй зорчих тийз авснаасаа хойш би нисэх хоббитой болчихсон байсан. Нислэг миний амьдрал болсон байсан тул харин ч нисэх компани намайг хуурсан мэт санагдаж уур хүрч байсан-
“American Airlines”-ын гаргасан тооцоогоор Стив Ротштейн нь үнэгүй зорчих тийз авсанаасаа хойш өөрөө болон өөрийн нэрээр :
-10 мянган удаагийн нислэг үйлдэж
-10 мянган миль нисэж,
-Англи 500 удаа,
-Австрали 70 удаа,
-Япон 120 удаа гэх зэргээр 21 сая долларын өртөгтэй нислэг үйлдсэн байжээ.

НУУЦ.мн