Нууц мэдээллийн уурхай

2020 оны сонгуулийн сурталчилгааны салхийг Асашёрюү Д. Дагвадорж аварга нээлээ. Тэрээр аавынхаа төрсөн нутаг Өвөрхангайд очиж том наадам том нээлт хийлээ. Эхлээд “Их Монголын хүчтэнгүүд” дэвжээний тэргүүнээр сонгогдож дараа нь “Шинэ Өвөрхангай төсөл”-өө нээв. Энэ нь ирэх сонгуульд зориулагдсан ажиллагаа гэдэг нь тодорхой. Бөхийн дэвжээний тэргүүн, төслийн нээлт хоёроо хамтатган 128 бөх барилдуулж таван төгрөгөөр ТВ-9-өөр шууд  орон даяар шууд дамжуулсан.  Энэ барилдаанд аваргаас салдаггүй улсын заан Жаргалбаяр түрүүлэв.

Зарим хүмүүс түүнийг бие хамгаалагч нь хэмээн ярьдаг.

Аваргын сонгуулийн сурталчилгааны нээлт нь Өвөрхангайгаас сонгогдсон МАН-ын дөрөв болох  Я.Содбаатар, Д.Тогтохсүрэн,  С.Чинзориг болон Д.Лүндээжанцан нарыг айхтар айлгажээ. 

Гэнэтийн явдал ирэх сонгуульд ахиад багаараа гарахаар төлөвлөж байсан төлөвлөгөөг нь бараг нураах аюултай аж. Иймд тэд Сонгуулийн хуульд өөрчлөлт оруулах замаар Асаг дарахаар төлөвлөсөн гэнэ.  Хуулийн өөрчлөлтийг энэ ондоо л багтааж хийхгүй бол хуульд гар хүрэх эрх 2019 онд дуусгавар болно.

НУУЦ.мн