Дуудлага худалдаанд оруулах ИПОТЕКИЙН байрнаас турж үхсэн эзнийх нь цогцос олджээ
Нийтэлсэн: 2018-04-16 15:47:14
.jpg)
Италийн Corriere della sera–д мэдээлснээр шүүхийн шийдвэрээр хураагдсан ипотекийн зээлний байрнаас эзнийх нь занданших шахсан цогцос олджээ. Энэ явдал тус улсын хойд зүгийн нэгэн мужид болжээ. 42 настай Вальтер Даль-Зотто гэдэг эр нэгэн байшинг ипотекийн зээлээр авсан ч 2017 оны хавраас зээлний төлбөр болон байрны ашиглалтын зардлаа төлсөнгүй. Харин он гарсаны дараа банкны хүсэлтээр шүүх байрыг нь хураан авч дуудлага худалдаанд оруулах шийдвэр гаргасан байна. Ингээд банкны ажилтан, шүүхийн шийдвэр гүйцэтгэгч болон байр худалдан авахаар сонирхсон иргэд уг байшинд очиход аймшигтай дүр зураг угтжээ. Байрны эзний занданших цогцос буйдан дээр суусан байдалтай олдсон гэнэ. Шүүх эмнэлгийн шинжилгээгээр байрны эзэн өнгөрсөн оны зун хоол тэжээлийн дутагдал буюу тураалаар нас барсан гэж гарчээ. Хөршүүдийх нь хэлсэнээр талийгаач нийтэч бус зожиг, хэнтэй ч харьцдаггүй нэгэн байсан гэнэ. Хэдийгээр аав болон ах нь хажуугийн хотод амьдардагч тэдэнтэйгээ ч холбоо харилцаагүй байсан аж.
НУУЦ.мн
