Нууц мэдээллийн уурхай

Америкээр удирдуулсан холбоотон гүрнүүд Сирид цохилт өгч эхэллээ. Сирид цохилт өгөх талаар ерөнхийлөгч Трамп анхнаасаа эрс хатуу байр суурьтай байсан тухай “Wall Street Journal” сэтгүүл Цагаан ордны эх сурвалжийг дурдан  мэдээлжээ. Уг нийтлэлд дурдсанаар Ерөнхийлөгч Сирид цохилт өгөхөөр Пентагоны боловсруулсан төлөвлөгөөг хоёр ч удаа хэтэрхий зөөлөн байна хэмээн буцаасан гэнэ.
-Трамп бүхий л зөвлөх нараа хатуу цохилт өгөх тал дээр байр сууриа нэгтгэхийг шаардсан. Батлан хамгаалахын сайд Жэймс Мэттистэй уулзахдаа манай цохилт Асадын дэглэмийг нураагаад зогсохгүй түүний  ивээн тэтгэгчид болох Орос. Ираны зоригийг мохоохоор тийм хүчтэй байх ёстой гэж мэдэгдсэн-
Ерөнхийлөгчийн хатуухан хариу барих төлөвлөгөөг аюулгүй байдлын зөвлөх Жон Болтон, Төрийн нарийн бичгийн даргын орлогч  Жон Салливан, НҮБ-д суух суурин төлөөлөгч Никки Хейли нар дэмжиж байгаа гэнэ. Харин БХЯ-ны сайд Жэймс Мэттис хатуу цохилт өгөх нь Оростой цэргийн өргөн хэмжээний сөргөлдөөнд орох аюултай гэсэн байр суурьтай байгаа аж.

NUUTS.mn