Нууц мэдээллийн уурхай

Өмнөд Солонгосын аварга корпораци “Samsung” ажилтнууддаа ээлжит хувьцааны урамшуулал олгохдоо том эндүүрч 105 тэрбум долларын хувьцаа ашиг тараасан тухай Bloomberg мэдээлжээ. Корпораци ажилтнууддаа нэг бүр нь мянган вон буюу 0,94 долларын үнэ бүхий тодорхой тооны хувьцааг урамшуулал болгон тараахаар төлөвлөсөн байжээ. Гэтэл хөрөнгийн биржийн үйл ажиллагааг нь хариуцдаг “Samsung Securities” компаний ажилтнууд алдаа гаргаж 116 их наяд вон буюу 105 тэрбум долларын үнэ бүхий 2,8 тэрбум үнэт цаасыг тараасан гэнэ.

Хувьцаа нэрэн дээр нь андуурч орж ирсэнээс хойш ердөө зургаахан минутын дотор корпорацийн 16 ажилтан нийтдээ 185 сая долларын үнэ бүхий таван сая ширхэг хувьцааг бирж дээр зарж орхижээ. Үүнээс болж “Samsung” –ын хувьцаа 4-р сарын 12-нд арван минутын дотор 12 хувиар унасан байна. Өдгөө зохих байгууллагууд нь энэ хэргийг мөрдөж байгаа бөгөөд алдаа гаргасан “Samsung Securities”-ын албан тушаалтнууд болон хувьцаа зарсан ажилтнуудаа халжээ. Хөрөнгийн бирж дээр үүнийг буруу товчлуур дарах буюу “дунд хурууны алдаа” гэж нэрлэдэг.

NUUTS.mn