Нууц мэдээллийн уурхай

Ladbible-д мэдээлснээр Английн Лосток Холл хотын 61 настай Барри Стоукс эцэг хүний жинхэнэ хайрыг үзүүлж чаджээ. Түүний хүү Алан нь олон жилийн турш хорт хавдрын эмчилгээ хийлгэж сайжирсан байна. Гэсэн ч удаан үргэлжилсэн химийн эмчилгээний улмаас бөөрнийх үйл ажиллагаа муудаж бас нэгэн гай тохиолджээ. Хэрвээ бөөрний донор олохгүй амь насанд нь ахин аюул учрах гэнэ. Шинжилгээгээр хүүд таарах нь бөөрний донор нь төрсөн эцэг нь гэж гарсан ч Баррид нэгэн асуудал байжээ. Тэрээр нас хэвийснээс гадна хамгийн гол нь хэт илүүдэл жинтэй буюу 127 кг татаж байжээ.

Илүүдэл  жингийн улмаас эцэгт нь хагалгаа хийх аргагүй тул турах шаардлага тавьжээ. Ингээд Барри төрсөн хүүгийнхээ амийг аврахын тулд маш хурдан хугацаанд доод тал нь 30-40 кг турах шаардлагатай болжээ.
-Хэрвээ би хүүдээ бөөрөө өгч чадахгүй л юм бол цаашдаа амьд явах утгагүй болох байсан-
Барри тэр дор нь хувийн дасгалжуулагч хөлсөлж турах ажилдаа шуурхайлан оржээ. Түүнд эхнэр охин хоёр нь их тусалсан байна. Мөн эрүүл мэндэдээ хор хохирол  учруулахгүй турах эмчийн зөвлөгөөг маш сайн дагажээ. Ингээд тогтоосон хугацаанд бүр 51 кг турж 76 кг жинтэй болсон тул хагалгаанд орох шаардлага нөхцлийг бүрэн хангажээ.

-Хэрвээ эхнэр охин хоёр маань туслаагүй бол би ингэж турж чадахгүй байсан. Иймд энэ ялалт бол манай гэр бүлийх-

Хүүд нь эцгийх нь бөөрийг шилжүүлэн суулгах хагалгаа удахгүй болох гэнэ.

NUUTS.mn