Ж.Мөнхбат аваргыг сүүлчийн замд нь үдлээ
Нийтэлсэн: 2018-04-13 03:22:27
Монгол Улсын Хөдөлмөрийн баатар, гавьяат тамирчин, Үндэсний бөхийн дархан аварга Жигжидийн Мөнхбатыг сүүлчийн замд нь яг одоо үдэж байна. Монгол хүн бүхэн эмгэнэн гашуудаж, их аваргаа дурсан төрийн хүндэт харуулын дор хүндэтгэн үдлээ. Түүний шарилыг Алтан-Өлгийд залав. Сүүлчийн замд үдэх ёслолд Ж.Мөнхбатын хүү, Японы сумо бөхийн их аварга М.Даваажаргал, УИХ-ын гишүүн Дархан аварга Б.Бат-Эрдэнэ нар гашуудлын үг хэлсэн юм. Дархан аварга Б.Бат-Эрдэнэ "Таны тооцоотой нягт барилдаан, хөдөлмөрч тууштай зан чанар, аатай омголон дүр төрх бидний зүрх сэтгэлд хоногшин үлдлээ. Та эх орныхоо алтан хөрс шороонд амгалан нойрс доо" гэлээ. Эрхэм аваргаа үдэхээр монголчууд олноор хүрэлцэн ирсэн байлаа. Тэд "Энгүй их хүчтэй аваргын минь араас тэнгэр хангай хүртэл эмгэнэн гашуудаж байна даа" хэмээн сүслэн ярьцааж байна. Дөрөвдүгээр сарын 13-ны тэнгэрт цас хаялж байв.
НУУЦ.мн
