Нууц мэдээллийн уурхай

ББС-д мэдээлсэнээр Элси Почер гэдэг настай эмэгтэй нөхөр Ричард 23 жилийн өмнө 81 насандаа бурхан болжээ. Бэлэвсэн эмэгтэйн  баталсанаар нөхрийг нь Лос-Анжелосын бүх гангстерүүд мэддэг, хүндэлдэг байсан тул нэр хүндтэй оршуулгын газар оршуулахаар болжээ. Ингээд Беверли-Хиллс дэх Вествудскийн оршуулга (Pierce Brothers Westwood Village Memorial Park) –г газрын гантиг чулуун хананд оршуулсан байна. Тусгай нүхэн шургуулганд бурхан болоочдын чандрыг хийдэг энэхүү өвөрмөц оршуулгын газарт талийгаач гангстер нь азаар алдарт дуучин жүжигчин Мерилин Монрогийн дэргэд таарчээ.

Нөхрөөсөө хойш ганц бие амьдарч байгаа эмэгтэй ипотекийн зээлээр байр авсан нь өдгөө 1,2 сая долларын өртэй болжээ. Тэрээр  өрөө дарахын тулд нөхрийнхээ нэр дээрхи шургуулганаас чандрыг нь авч өөр оршуулгын газарт оршуулжээ. Харин суларсан зайг нь Мерилин Монрогийн оршуулгын дэргэд гэдэг сурталчилгаатайгаар дуудлага худалдаанд оруулжээ. Дуудлага худалдааны анхны үнэ 500 мянган доллароор эхэлж нийт 20 оролцогч оролцож эцэст нь нэрээ нууцалсан эрхэм 4,6 сая доллароор худалдан авчээ. Ийнхүү алдат жүжигчинтэй хөршлөн үүрд нойрсох азтай нэгэн тодорчээ.
 

NUUTS.mn