Дээд тушаалын ажилтнаасаа түрүүлж ЖИРЭМСЭЛСЭН цэцэрлэгийг багшийг хүчээр уучлалт гуйлгажээ
Нийтэлсэн: 2018-04-04 14:01:04
.jpg)
The TImes –д мэдээлснээр Японы нэгэн хувийн цэцэрлэгийн удирдлага дээд тушаалын ажилтнаасаа түрүүлж жирэмсэлсэн багш эмэгтэйг албан хүчээр уучлалт гуйлгасан байна. Нэрийг нь нууцалж байгаа энэхүү цэцэрлэг нь хувийн өмчийх агаад удирдлагаас гаргасан хатуу заавар журмыг чанд мөрдөж ажилладаг аж. Заавар журам нь цэцэрлэгийн үйл ажиллагааны бүхий л хүрээг төдийгүй ажилтнуудых нь хувийн амьдрлыг ч хүртэл журамласан байдаг гэнэ. Энэхүү журам ёсоор цэцэрлэгийн багш эмэгтэйчүүд албан тушаалын зэрэг дэвийн дагуу жирэмсэлэх учиртай байжээ. Доод тушаалын ажилтнууд нь дээд тушаалын ажилтан бие давхар болж хүүхэд төрүүлсэний дараа л хувийн амьдралаа зохицуулахаар уг журамд заасан байжээ.
.jpg)
Гэтэл жирийн багшаар ажилладаг эмэгтэй энэ журмыг зөрчин “дарааллын” урдуур дайрч ахлах ажилтнуудаасаа түрүүлж бие давхар болжээ Үүнийх нь төлөө удирдлага нь хурлаар оруулж цэцэрлэгийн эзэд болон хамт олноос нь хүчээр уучлалт гуйлгасан тухай нөхөр нь Mainichi Shimbun сонинд ярицлага өгсөн нь шуугиан тариад байгаа аж. Мөн уг хурлын үеэр эхнэрийг нь байгууллагийн эрх ашгийг хойш тавьж амин хувиа хичээсэн зан гаргасан хэмээн зэмлэн буруутгасан гэнэ. Японд эмэгтэйчүүд жирэмсэлсэний дараа ажлын байраа алдах, ажил дээрээ гадуурхагдах зэрэг олон дарамтанд ордогийг сонин асуудал болгон хөнджээ. Хөдөлмөрийн яамны судалгаагаар бие давхар болсон эмэгтэйчүүдийн 47 хувь нь захиргааны санаачилгаар ажлаасаа халагддаг аж. Хүүхэд төрүүлсэн эмэгтэйчүүдийн 21 хувь нь хуучин ажилдаа буцаж орж чаддаггүй байна.
NUUTS.mn
Манай улс чинь самуурай нараас хүнлэг юм байна.