Нууц мэдээллийн уурхай

Баян-Өлгийгээс ирсэн Х.Тилебек гэдэг залуу  жүдочин Х.Цагаанбаатарын фэйсбүүк хаягаар 300 мянган төгрөгний залилан хийх гэж байгаад улсын гарьд Х.Баяржавхланд баригджээ. Ер нь буруу хүний нэрээр буруу хүнээс мөнгө салгах гээд баригдсан байна. Тэрээр Tsagaanbaatar Khasbaatar гэсэн фейсбүүк хаяг үүсгэн гарьдын цахим хаяг рүү “...ахаа би ууж байна, тусламж үзүүлээч 300.000 төгрөг шилжүүлээч” гэж бичжээ.  Өндөр сонор сэрэмжтэй гарьд хуурамч хаяг гэдгийг нь тэр дор мэдсэн тул барьж авахаар шийдэн “ирээд ав” гээд хаягаа хэлжээ. 

“Цагаанбаатар” өөрөө очиж чадахгүй тул хүн явуулна гэжээ. Энэ зуурт гарьд гайхалтай төлөвлөгөө боловсруулж цагдаа дуудсан байна. Ингээд шөнийн 02 цагийн үед 8890 ... дугаараас залгаж такситай ирсэн байна гэхэд нь цагдаатай хамт гарч дор нь барьж авчээ. Болсон явдлын таксины жолооч  “...Орой халтуур хийгээд явж байтал Баянзүрх дүүргийн сэлбийн гүүрэн дээр нэг залуу суугаад Замын цагдаагийн тэнд байх Болор авто угаалгын газрын гадаа очно гэж хэлэхээр нь очсон. Намайг утсаараа нэг хүн рүү залгаад яриад өгөөч гэж гуйсанд 9911 .... дугаар луу ярьж Цагаанбаатар ах мөнгө аваад ир гэж гэж байна гэж хэлсэн. Ирээд ав гэсэн тул Маргад хотхоны гадаа очиход цагдаа болон Монгол улсын гарьд бөх Баяржавхлан бариад авсан”  гэжээ.
 

НУУЦ.мн