Цагдаа 36 долларын хүнс хулгайлсан 3 хүүхдийн ЭХИЙГ торгоод 160 долларын хүнсний бараагаар тусалжээ
Нийтэлсэн: 2018-04-03 01:11:17
Америкийн Хиллсборо хотын иргэн, гурван хүүхдийн эх Тереза Уэстийн гэрт гурван өдрийн турш идэх юм байсангүй. Хүүхдүүд нь өлсөж хоол нэхжээ.
.jpg)
-Би нийгмийн халамжийнхан, найз нөхөд гээд хандаж болох бүх газар хүмүүсээс тусламж гуйсан. Гэсэн ч нэг ч надад туслаагүй-
Ингээд арга барахдаа шийдсэн үйлдэл хийж хотынхоо Food Lion гэдэг дэлгүүрээс хүнсний бараа хулгайлахаар шийджээ.
.jpg)
Худалдан авагч хулгай хийж байгааг анзаарсан дэлгүүрийнхэн шууд цагдаа дууджээ. Хэргийн газар яаралтай ирсэн цагдаа Кит Брэдшоу, Кэндис Спрагинс нар гэмт хэрэгтнийг барилгүйгээр араас нь дагахаар шийджээ. Дагасаар гэрт нь ирэхэд үнэхээр өрөвдөлтэй байдал угтсан байна. 36 долларын идэх юм хулгайлсан эмэгтэйн гэрт давс, кепчуп зэргийг эс тооцвол хоол хүнсний зүйл бараг байсангүй гэнэ.
.jpg)
Цагдаа нар хулгайлсан барааг хурааж хуулийн дагуу эмэгтэйг торгосон байна. Болсон явдлын тухай хотын цагдаагийн газрын цахим хуудсанд ийн бичжээ.
-Үүнийг гэмт хэрэг гэхээсээ илүүтэйгээр аргаггүй байдалд орсон эмэгтэйн аргагүйн эрхэнд хийсэн үйлдэл гэмээр байсан-
Харин орой нь хоёр цагдаа ажлаасаа тарахдаа дундаасаа мөнгө нийлүүлэн 160 долларын хүнсний бүтээгдэхүүнийг хулгай хийсэн эмэгтэйн гэрт аваачиж өгчээ.
.jpg)
-Бид хамгийн эхлээд хүн гэдгээ ухаардаг. Дараа нь цагдаагийн үүргээ биелүүлдэг-
НУУЦ.мн
