Таксины жолооч 24 жилийн турш таксинд нь суусан 17 МЯНГАН хүнээс асууж сурсаар алга болсон охиноо олжээ
Нийтэлсэн: 2018-04-03 00:45:45
.jpg)
СоутЧайнаМорнингПост-д мдээлснээр 1994 онд Хятадын Сычуань мужийн Чэндү хотын таксины жолооч Ван Минг эхнэр Лиу Чэндүнг нарын гурван настай охин гэрийнхээ хажуунаас алга болжээ. Тэр цагаас хойш эхнэр нөхөр хоёр охиноо тасралтгүй эрэн хайж сураглаж нэг ч удаа итгэл найдвараа алдаагүй гэнэ. Удалгүй ахин нэг хүүхэдтэй болсон ч ууган охиноо хайсаар байжээ. Аав нь энэ хугацаанд 10 мянга гаруй зар зарлалыг мужийн сонин сэтгүүлд гаргаж гудамжинд наажээ.
.jpg)
2015 онд таксиний жолооч болсоны дараа зорчигчид нь гар утсаараа цахим сүлжээнд орж байгааг анзаарч тэднээс тусламж авч эхэлсэн байна.
.jpg)
Мөн энэ хугацаанд таксигаар нь үйлчлүүлсэн 17 мянган хүнээс асууж сурч мөн тэднээр цахим сүлжээнд алга болсон охиныхоо тухай пост зураг оруулж зар тараасан гэнэ. Эцэст нь энэ бүхний үр дүн гарчээ. Хоёр жилийн өмнө Жилин мужаас 27 настай эмэгтэй холбогдож өөрийнхөө тухай мэдээлэл өгсөн байна.
.jpg)
Өдгөө Канг Үинг гэдэг тэрээр багадаа Чэндү хотоос 20 кмд орших суурингаас үрчлэгдэж ирсэн агаад алга болсон охин нь байх магадлалтай байжээ. Ингээд ДНК-ын шинжилгээ хийлгэхэд 24 жилийн өмнө алга болсон хүүхэд нь мөн болох нь батлагдаж эхнэр нөхөр хоёр охинтойгоо сая нэг юм учирчээ. Охин нь өдгөө хоёр хүүхдийн ээж болжээ.
