"Эрдэнэт"-ийн хуулийн хэлтсийн дарга асан Б.Мөнхжаргалыг БАРИВЧИЛЖЭЭ
Нийтэлсэн: 2018-04-02 23:45:31
.jpg)
Уулын баяжуулах Эрдэнэт үйлдвэрийн хуулийн хэлтсийн даргаар ажиллаж байсан Б.Мөнхжаргалыг өчигдөр шөнө 23 цагийн үед гэрээс нь АТГ-ын мөрдөн байцаагчид баривчилсан байна. Түүнийг Эрдэнэт үйлдвэрийг Стандарт банкинд барьцаанд тавьсан асуудлаар яллагдагчаар татан шалгаж байсан юм. Түүний гарын үсгийг хуурамчаар 67 удаа үйлдсэн гэх шинжээчийн дүгнэлт байдаг. Тэрээр яллагдагчаар байцаагдаж байхдаа хэвлэл мэдээллийн хэрэгсэлд ярилцлага өгч болохгүй гэх хориог зөрчсөн байж мэдэх юм. Б.Мөнхжаргал нь 2006 оноос хойш Эрдэнэт үйлдвэрт ажилласан бөгөөд Хуульзүйн яаманд өмнө нь олон жил ажиллаж байсан нэгэн. Эрдэнэттэй холбоотой асуудлаар гурван хүнийг ийнхүү цагдан хориод байна. Өмнө нь тэрээр Ш.Батхүүг гэрээ бариад ороод ирэхээр нь гарын үсэг зурахгүй гээд “хөөгөөд” явуулсан хэмээн яриа өгч байсан.
НУУЦ.мн
