Нууц мэдээллийн уурхай

ДэйлиМайл-д мэдээлснээр зүүн-хойд Энэтхэгийн Инкионг гэдэг жижигхэн хотын 17 настай охин цахимаар нэгэн залуутай танилцаж болзохоор болжээ. Болзоонд очиход 20 гарсан дөрвөн залуу хүлээж байсан гэнэ. Тэд бүлэглэн охиныг хүчирхийлээд шөнийн 02 цагт гэрийх нь үүдэнд хаяад явжээ. Охины эцэг эх тэр дор нь цагдаад хандсан агаад хотын иргэд болсон явдлыг маргааш нь мэджээ. Уурлаж хилэгнэсэн иргэд гэмт этгээдүүдийг хайж цагдаа нарыг олохоос өмнө хоёрыг нь барьж авчээ. Улмаар тэднийг чармай шалдлан цагдаагийн газарт хүргэхээр  хотын гудамжаар тууж  явжээ.

Замд зуурт нь иргэд хүчрхийлэгчдийг зодож цохиж шийтгэжээ. Ялангуяа эмэгтэйчүүд гарт тааралдсан бүхнээрээ чулуудаж цохисон байна.

Цагдаагийн газрын дарга Жон Нейхлайя “иргэд өөрсдөө гэмт этгээдүүдийг олж мөн өөрсдөө шийтгэсэн, үүний дараа л цагдаад хүлэлгэж өгсөн” гэжээ. Сүүлийн үед Энэтхэгт хүчирхийлэгчдийг иргэд өөрсдөө шийтгэдэг болжээ.

Сарын өмнө Дапорижо хотод найман настай охин хүчирхийлсэн этгээдийг бариад гудамжаар нүцгэлэн тууж ороолгож саваадаж явсаар цагдаад хүлээлгэн өгсөн.  Тезу хотод иргэд цагдаагийн газар луу дайран таван настай охин хүчирхийлээд баригдсан этгээдийг булааж аваад хотынхоо төв талбайд чулуугаар шидэж хөнөөсөн байна.

НУУЦ.мн