Нууц мэдээллийн уурхай

Баянгол дүүргийн 3 дугаар хороо, “Тулга” зоогийн газарт байрлах караокед болжээ. Энэхүү зоогийн газар караокег хятад иргэн Ма Зен Жун  монгол эхнэрийн хамт ажиллуулдаг гэнэ. Тухайн өдөр Хятадын Шинжианд төрсөн Мон овогт Амин-Өндөрийн Цэнгэлхүү / MENG QINGKELETU / нь Цорс овогт Пүрэвийн Өлзий / PURU / болон Хөхбар, Өлзий нарын өвөрлөгчид ажил ярихаар байнга ордог “Тулга” зоогийн газарт орсон. Өвөрлөгчдийг караокед сууж байхад хятад зохион байгуулагч Гүо Вен Лүн өрөөнд орж ирээд маш ууртайгаар “та нар одоо гар манайх хаалаа” гэж хэлсэн. Ууртай дээрэлхүү харьцаж байгаагийн учрыг нь асуухад  “ дээр үеийн бүдүүлэг тэнэг монголчууд” гэхээр нь Цэнгэлхүү нь биеэ барьж чадалгүй нүүрэн тус газар нь цохижээ. Удалгүй карокены эзэн Ма Зен Жун  хятад хэлээр “ээжийг чинь ш-на” гэж хэлээд Шинжианы монголыг өшиглөхөд Өлзий орж ирээд хариуд нь цохиод авчээ. Ингээд бөөн хэрэг дэгджээ. Зодоонд өвөрлөгчид ялжээ. Зодуулсан  Гүо Вен Лүн нь “та нар явах болоогүй юм уу, ямар ядаргаатай юм бэ, дээр үеийн бүдүүлэг монголчууд” гэж хэлсэнийг бусад өвөрлөгчид баталсан бол хятад залуу тэгж хэлээгүй хэмээн цагдаад мэдүүлжээ.  Мөн караокены эзэн Ма Зен Жун шатан дээр Цэнгэлхүүд хятад хэлээр “ээжийг чинь ш-на шүү” гэдэг хараал хэлсэнийг хүртэл баталсан байна. Зодоон болоход цагдаа дууджээ. Мөн караокены эзний монгол эхнэр, хадам ээж нь хүртэл ирсэн гэнэ.

НУУЦ.мн