Австрали эмэгтэй бүтээгүй хүүхэд ТӨРҮҮЛЖ буй зургаа цахимаар цацжээ
Нийтэлсэн: 2018-03-26 10:05:57
.jpg)
Mirror –д мэдээлснээр австрали эмэгтэй Сара /овгийг дурдаагүй/ хоёрдахь удаагаа жирэмслэхдээ эх хүний зөн билгээр ураг нь нэг л хэвийн бус байгааг гадарлажээ. Гэсэн ч эмч нар жирэмслэлт хэвийн явагдаж байна хэмээн тайвшруулж иржээ. Гэтэл хэвлий дэх хүүхдийн хөгжил өсөлт эрсдэлтэй болсон нь жирэмслэлтийн 31 дэх долоо хоногт илэрсэн байна. Ховорхон тохиох эмгэгийн улмаас хүүхдийн тархины хөгжилт саарч хүн болохгүй нь тодорхой болжээ. Бүх зүйл ойлгомжтой болсон ч эмэгтэй эмч нартай зөрүүдлэн байж хоёрдахь төрөлтөндөө бэлдэж эхэлжээ. Тэрээр ямар ч байсан эх хүний ёсоор төрж хүүхдээ элгэндээ тэврэхийг хүсэж байна гэжээ.
.jpg)
Жирэмслэлтийн 33 дахь долоо хоногт хэвлий дэх хүүхдийх нь зүрх зогсжээ. Эмэгтэй нөхрийн хамт уй гашууд автагдсан боловч бүтээгүй хүүхдийнхээ дурсгалыг хүндэлж амьд хүүхэд төрүүлж буй мэт хүндэтгэлтэйгээр төрсөн байна.
.jpg)
-Энэ бол хамаг дотор эрхтэн маань доогуураа уначих мэт аймшигтэй мэдрэмж төрүүлсэн хүнд үе байсан-
Төрөх үедээ гэрэл зурагчинг урьж бүтээгүй хүүхэд төрж буй хүнд үе болон хүн болох хувьгүй түүнтэй аав ээж нь салах ёс хийж буйг хальсанд буулгаж авчээ. Дүү нь болж чадаагүй түүнтэй салах ёс хийх гэж гурван настай хүү Артур нь бас иржээ.
.jpg)
-Артурыг орж ирэхэд би түүнд энэ чиний дүү байна гээд харуулсан. Харин тэр харж байснаа “яагаад дуугарахгүй байгаа юм бэ, унтаад байгаа юм уу” гэж асуусан-
Эмэгтэй энэ зургаараа хэдлийдээ хүүхдээ алдсан эмэгтэйчүүдийн зовлонг шаналалыг харуулах гэсэн гэжээ. Мөн тэрхүү эмэгтэйчүүдийг нэгтгэнэ гэж найдсан байна.
.jpg)
-Энэ зургууд эргээд надад зовлон шаналалаа тайлахад нимгэлэхэд тус болно. Хожим би зургуудаа хараад бүтээгүй хүүдээ “би чамайгаа тэвэрсэн, чи миний хүүхэд байсан” гэж хэлнэ-
NUUTS.mn
өрөвдмөөр юм аа дахиад хүүхэдтэй болохыг хүсье
tsagaasaa umnu butssan sakhiusan tenger ergej ijiidee ireerei