Нууц мэдээллийн уурхай

Өдгөө Украйны цахимд эмгэнэлт үхлээр хорвоог орхисон залуугийн тухай шуугиж байна. Львов хотын 23 настай залуу сүйт бүсгүйтэйгээ гэрлэхээр болоход бүсгүй нь маш тансаг сайхан хурим хийх шаардлага нөхцөл тавьжээ. Гэсэн ч залуугийн цалин орлого нь сүйт бүсгүйн хүсээд байгаа найз хүүхнүүдийх нь амыг ангайлгаж атаархлыг нь төрүүлэх тансаг хуримд яагаад хүрэхгүй байжээ. Ингээд удтал бодсоны эцэст нэгэн шийдвэр гаргахад сүйт бүсгүй нь дэмжиж тэд хамтдаа энэ ажлаар Унгар яваад иржээ. Гадаадаас их хэмжээний бэлэн мөнгөтэй ирсэн залуу хос найз нөхөд, хамаатан садныхаа хүрээнд хөлтэй тансаг хурим хийж хүмүүсийг гайхуулжээ.  Хурим нижгэр болсон нь олон ч хүмүүсийг гайхуулж сүйт бүсгүйн хүсэл сэтгэлчилэн бүтсэн гэнэ. Гэтэл хуримаас хойш нэгхэн сарын дараа нөхрийх нь бие гэнэт муудаж хурдан доройтжээ. Бөөрний хурц дутагдал гэдэг онош тавигдаж эмчилгээ хийлгэсэн ч дээрдэлгүй хүнд өвчнөөр нас баржээ. Эрүүл саруул хүүгээ бөөрний өвчнөөр гэнэт нас барсанд гайхаш цочирдсон эцэг эх нь цагдаад өргөдөл гаргаж шалгуулсан байна. Шүүх шинжилгээний дүгнэлтээр талийгаач өрөөсөн бөөрөө авахуулх мэс засал 2-3-хан сарын өмнө хийлгүүлсэн нь тогтоодсоноор бүх хэргийн учир тайлагджээ. Талийгаач тансаг хурим хийх сүйт бүсгүйнхээ хүслийг биелүүлэх  мөнгө олохын тулд гадаад яван өрөөсөн бөөрөө 11 мянган доллароор зараад иржээ. Залуу хос энэ хэргээ тун нууцалж гадаад явсан шалтгаанаа өөрөөр тайлбарласан байна. Гэсэн ч  зохих шинжилгээ хийлгэлгүйгээр өрөөсөн бөөрөө шууд авахуулсанаас болж бөөрний үйл ажиллагаа нь доголдож ийнхүү аминд нь хүрчээ.