Эргэлтээр ирсэн ихрийн ӨРӨӨСӨНГӨӨ ухаан алдуулаад хувцсыг нь өмсөн шоронгоос оргожээ
Нийтэлсэн: 2018-02-15 23:08:00
Перу улсын аймшигт гаж донтнуудын нэг Алессандро Жефферсон Дельгадо Эррейра нь бага насны хүүхэд хүчирхийлсэн болон зэвсэгт дээрмийн хэргээр алдарт “Ancуn I” шоронд 16 жилийн хорих ял авсан. Тэрээр ихэр агаад ихрийн өрөөсөнгөө эргэлтээр ирэхийг ятган дуудаж байсан нь эртнээс шоронгоос оргох төлөвлөгөө боловсруулсантай холбоотой байжээ. Ихрийн өрөөсөнгөө эргэлтээр ирэхэд нь гаж донтон эргэлтийн өрөөнд ихрийн өрөөсөнгөө боож ухаан алдуулж унагаад хувцсыг нь тайлан өмсжээ. Өөрийн шоронгийн хувцсаа ихрийн өрөөсөндөө өмсгөсөн гэнэ. Ингээд ихрийн өрөөсөнгийнхөө бичиг баримтаар нь шоронгийн шалганг төвөгггүй даван зугтаажээ. Харин ухаан орсон ихрийн өрөөсөн нь өөрийгөө Алессандро биш гэдгийг тайлбарлах гэсээр байтал цаг хугацаа алджээ. Эцэст нь хурууны хээгээр биш болохыг нь тогтоон онц аюултай гэмт хэрэгтэн оргосон болохыг зарлаж эрэн сурвалжилж эхэлжээ. Энэ зуурт ихрийн өрөөсөнг нь орголт зохион байгуулахад тусалсан, хуйвалдсан хэмээн баривчилсан байна. Саяхан босуул гэмт хэрэгтэнг баривчилсан агаад шүүх ихрийн өрөөсөнг нь суллах шийдвэр гаргажээ.
