Нууц мэдээллийн уурхай

Энэ өдрүүдэд хөдөөний зам харгуй цасанд дарагдаж замд боогдсон, цасанд суусан машиныг гаргах гэж бүр хотоос жийптэй залуус хөдөлжээ. Харин тэд  “эрэмгий” Ерөнхий сайд У.Хүрэлсүхэд санаа зовох хэрэггүй юм. Ерөнхий сайдтан  Хэнтий, Сүхбаатар аймгаар ажиллаж явна. Түүний тэргүүлсэн цуваа нь уртаас урт буюу хорь гаруй жийпийг шил даран дагуулжээ. Цав цасан цасан талд шижигнэсэн хар жийпнүүд цувралдан давхиж яваа нь холоос  арвалзан мөлхөх хар могой мэт харагдаж хөдөөнийхний нүдийг хужирлаж байна.  Хэрвээ нэг  нь л цасанд суувал үлдсэн 24 нь татаад гаргах тул тэдэнд санаа зовох хэрэггүй юм.  Тэгээд ч цасанд суувал хүрз, зураглаач хоёр нь бэлэн нь сайхан юм даа.  Харин ОБЕГ-ын дарга нь цасанд боогдсон иргэдийг аврах өөрийн үндсэн үүргээ хаяад Ерөнхий сайдад бараа болж явна. Энэ өдрүүдэд Дарьгангаар сүрхий шуурч байгаа ч тэдний хүссэнчилэн цасанд суугаагүй байна. Харин Ерөнхий сайдтан Шилийн богдод ээлжит удаагаа гарахдаа тээр жил нэрээ мөнхөлсөн чулуугаа эргэсэн биз. Авдрын чинээ тэр чулууг нэрээ сийлүүлсэн У.Хэрэлсүх, Ц.Нямдорж, Ч.Улаан нар  овооны оройд өргөж тавиагүй нь лавтай. Харин энэ өдрүүдэд УИХ-ын чуулган хаагдаж муу нэртэй М.Энхболд нь ард иргэдийн амьдрал муу байхад төрийнхөн том жийп хөлөглөх хэрэггүй хэмээн ярьж сууна. Даан ч тэр үг нь дорнын талд хүрэхгүй, хүрсэн ч тоохгүй л дээ. Ерөнхийлөгч Х.Баттулга саяхан зүүн гурван аймаг болон Өмнөговьд ажиллахдаа еодөө гуравхан жийптэй явсан.