14-төйдээ хайртай нохойгоосоо хагацсан бүсгүй 7 ЖИЛИЙН дараа золбин нохдын хашаа ороод ...
Нийтэлсэн: 2018-02-06 15:35:50
.jpg)
Observer Reporter –д нохой сонирхогчдын хайрыг хөдөлгөм нэгэн түүхийн тухай өгүүлжээ. Америкийн Пенсильвани мужийн Уэст-Браунсвилл хотын 21 настай Николь Граймс гэдэг бүсгүй золбин нохдын хашаанд ороод ер бусын явдалтай учирчээ. Түүнийг 14 настай байхад нь эмээ нь Хлои гэдэг дөрвөн настай энэхүү өхөөрдөм нохойг бэлэглэжээ. Охин эцэг эхийн төдийгүй эмээ өвөөгийн ганц хайр нь байсан бол пудель болон шприц үүлдрийн эрлийз нохой нь гэрийн ганц байжээ.
.jpg)
Ийнхүү тэд богинохон боловч аз жаргалтай амьдрлыг өнгөрүүлжээ. Охиныг 14 нас хүрэхэд аав нь нохойгоо гэрээсээ явуулахаар шийджээ. Николь хэдий нохойдоо маш их хайртай байсан ч эцсийн эцэст аавынхаа шийдвэрийг дагахад хүрчээ. Тэрнээс хойш охин хайртайгаа нохойгоо мартсангүй. Жил бүрийн 11-р сарын 26-нд болдог Хлоигийн төрсөн өдрөөр хөөрхийг авч үлдээж чадаагүйдээ өөрийгөө буруушааж иржээ. Өнгөрсөн оны 11-р сард өдгөө насанд хүрсэн бүсгүй бие даасан амьдралтай болсон тул нохойтой болохоор шийджээ. Ингээд хотын золбин нохдын хашаанаас нэгийг нь сонгохоор болсон байна. Тэрээр эзэнгүй болоод ирсэн нохдыг удтал харж шилсэний эцэст 11 настай Хлои гэдэг хөгшин нохойг сонгосонд тухайн газрын ажилчид баахан гайхжээ.
.jpg)
Бүсгүйд нохойн нэр нь бага насны хайртай Хлоиг нь санагдуулсан төдийгүй гадаад төрх зан аашаараа маш их адилхан санагджээ. Нохойгоо авсаны дараа мал эмнэлэгт үзүүлэхэд Хлои нь “032 099 811” чип-дугаартай байсан нь багадаа хагацсан хайртай нохойн дугаартай яг таарчээ. Бусад дүгнэлтээр тэрээр 7 жилийн өмнө аргагүй орхисон тэрхүү Хлои нь яг мөн байжээ. Энэ бүх хугацаанд хөөрхий нохой нь хэд хэдэн эзний гар дамжиж хоншоор нь цайрч шүд нь унасан гэнэ. Николь энэ бүхнийг явдлыг гурван жилийн жилийн өмнө бурхан болсон эмээгийнхээ эцсийн хүслийн нэг хэмээн хүлээн авчээ. Нохой бүсгүйн гэрт ирээд ер бусын тав тухтай байсан нь үүний нэг баталгаа гэнэ.
