Нууц мэдээллийн уурхай

Биеийн тамир, спортын газрын дарга Ц.Шаравжамц энэ удаагийн өвлийн Олимпод оролцох Монголын шигшээ багийн багийн бүрэлдэхүүнийг зарлалаа. Багт гурван тамирчнаас гадна гучин дарга явах юм байна. Дарга нарын дэд багт БСШУС –ын сайд Ц.Цогзолмаа нарын гучин сэтэртэн багтаж байгаа аж. Мэдээж Биеийн тамир, спортын газрын дарга өөрөө морилж таарна. Мөн Олимпийн бэлтгэл ажлын талаар нэг үг дуугарч нэг ч үйл ажиллагаа явуулаагүй МҮОХ-ныхон бөөнөөрөө явж таарах байх. Ийнхүү манай баг түрүүлэхээсээ илүүтэйгээр оролцох нь чухал гэдэг зарчмыг хэрэгжүүлэхээр шийджээ. Өвлийн спорт манайд шинэ тулгар хөгжиж байгаа, тамирчдаас амжилт хүлээх хэрэггүй гэдэг нь ойлгомжтой. Гэсэн ч гурван тамирчинд гучин дарга дэндүү олдож байна. Бүр 100 ямаанд 60 ухна гэдгээс ч хэтэрчээ. Дарга цэргийн харьцааг бодоход таван дарга л хангалттай шүү дээ. Үүнээс харахад У.Хүрэлсүхийн яриад байдаг хэмнэлтийн бодлого нь хоосон яриа аж. Эсвэл дарга нар далимдуулж Олимп үзэнгээ дэлгүүр хэсэж казино тоглох гээд байна уу...