“Таван толгой транс”-ын хятад ажилчин хилээр МИМИ оруулах гээд баригджээ
Нийтэлсэн: 2018-02-05 02:01:30
.jpg)
Хятадын иргэн, “Таван толгой транс” ХХК-ийн Энк коксын үйлдвэрт засварын ахлах ажилтай Фу Д //Fu Duxue/ Өмнөговь аймгийн Ханбогд сумын Хайрхан багийн нутаг Гашуун сухайт хилийн боомтоор каффейн буюу эмийн түүхий эдийг хууль бусаар Монгол улсын хилээр импортолсон гэмт хэрэгт холбогджээ. Тухайн өдөр шалгалт хийж байсан хилийн цэргийн ажилтан хятад иргэн Фу Дгийн гар цүнхнийх арын цахилгааныг нь татаж үзэхэд хоёр боодол тугалган цаас байхаар нь нарийвчилсан үзлэг хийхээр арын өрөөнд оруулжээ. Нарийвчилсан үзлэгээр хоёр хөлнийхөө шилбэний доод хэрэгт оймсныхоо дотор талд гадна талаар нь гялгар цаасанд ороож дотуур нь сонингийн цаасанд боосон нунтаг цагаан өнгийн зүйл хийсэн байсныг илрүүлж хураан авчээ. Шинжилгээгээр тэр нь мансууруулах үйлчилгээтэй мими хэмээх бодис болох нь тогтоогджээ. Харин хятад иргэн “...Өнгөрсөн 10-р сард ажил дээрээ ковш засварлаж байгаад унаснаас болж зүрхний орчимд өвддөг болсон. Тэгээд урагшаа Хятад руу гарч 10 хоног эмчлүүлж байтал коксын үйлдвэрээс “ажилдаа ир” гээд дуудсан тул буцах болоод Ганц модны боомтод ирээд жижиг дэлгүүрээс эм авахаар орсон. Өвчин намдаах эм гээд сонингийн цаасанд ороосон таван боодол нунтаг цагаан зүйлийг /МиМи/ мөнгөн цаас, цаасан соруулын хамт 110 юаниар худалдан авсан. Тэгээд Монгол руу орохдоо оймсныхоо түрийнд нууж хийж яваад баригдсан. Би урьд нь энэ каффейн буюу МиМи гэх бодисыг Монгол улсад зарж борлуулж, түгээж байгаагүй...” гэжээ.
НУУЦ.мн
