“Тэмка” шиг сайн ахтай болох гээд цуглуулсан 5000 ЕВРОГОО залилуулжээ
Нийтэлсэн: 2018-02-01 15:07:54
.jpg)
The Sun-д мэдээлснээр Английн Кеннингтон хотын 18 настай бүсгүй Анна Райан худалдагчаар ажилладаг. Тэрээр цалин багатай ажлаасаа төдийгүй өөрийг нь эргүүлдэг мөнгө багатай үеийнхээ залуусаас ч залхжээ. Ингээд нэгэн сайн ах олж авахар шийдсэн гэнэ. Сайн ах нь өдөр шөнийн алинд ч халуун тэврэлт ивээлдээ багтааж бас хамаг санхүүгийн хүндрэлийг нь шийдэж өгнө гэж найджээ. Тэрээр англи хүүхнүүдийн хувьд баян чинээлэг залуусын орон гэгдэх Австрали явахаар төлөвлөсөн ч найз хүүхнүүд нь мөнгөтэй эрчүүдтэй танилцуулдаг танилцах сайтыг ухаж үзэхийг зөвлөсөн байна.
.jpg)
-Би сайтаас чинээлэг эрчүүдтэй болздог залуу сайхан бүсгүйчүүдийн зургийг харсан. Тэдгээр хосууд над руу инээмсэглэж намайг урьж байгаа мэт сэтгэгдэл төрсөн. Тэр дороо л тийшээ яваад ормоор санагдсан тул анкет бөглөөд өөрийн сайн ахаа хүлээж эхэлсэн-
Бүсгүй удаан хүлээсэнгүй. Удалгүй Жеймс Уолш гэдэг мөнгөтэй эр түүнд захидал бичжээ.
.jpg)
Өөрийгөө банкны менежерээр ажиллахын хамт хөрөнгийн зах зээлд чадварлаг тоглодог нэгэн гэжээ. Челси, Эдинбург болон Арабын Эмиратад тус тус байртай агаад жилийн 50 сая долларын орлого, хайртай “Lamborghin” машиныхаа тухай бичжээ. Маш их аз тохиолоо гэдэгт итгэсэн бүсгүй шууд л унаж эхэлсэн байна.
-Бид долоон сар хиртэй цахимаар харилцсан. Дараа нь тэр ахиж хүлээж чадахгүй гээд уулзахыг хүссэн. Би түүнийг нөгөө гоё машинаараа ирэх байх гэж найдтал “Lamborghin” нь эвдрээд засварт өгсөн гэсэн-
Ингээд бүсгүй өөрийн хямдхан машинаа унан галт тэрэгний буудалд очиж баян эрийг угтаж авчээ. Үнэтэй хослол өмссөн сайн ах нь цэцэг барин вагоноос бууж иржээ. Анхны уулзалт тун аятайхан болж ахин уулзахаар болзжээ.
-Жэймс бүх тооцоог бэлнээр хийж зөөгч нарт цайны мөнгө их өгч байсан. Уулзалтын үер туслах нь байнга утасдаж тэр заавар удирдамж өгөх агаад харин би саад болохгүйг хичээн бие барин цомцойн сууж байлаа-
.jpg)
Гуравдахь болзоогоороо сайн ах нь Саудын Араб хэд хоногоор хамт явахыг урихад бүсгүй баярлан зөвшөөрчээ.
-Би түүний Lamborghin-д сууж үзэхсэн хэмээн засвараас гарахыг нь тэсэн ядаж хүлээж байсан. Засвар нь их үнэтэй гарсан байх гэж таамаглаж байв-
Болзоо урьдын адил тансаг сайхан болжээ.Туслах нь мөн л урьдын адил залгасан агаад энэ удаад тун эвгүйхэн юм болсон гэдэг нь сайн ахын царайнаас нь шууд л харагдсан гэнэ. Тэрээр хоолойд нь яс болсон гайтай нэгэн өрийг яаралтай дарахгүй бол шоронд ч орж магадгүй нь хэмээн Аннаг айлгажээ.
-Түүний бүх данс картыг битүүмжилсэн байна гээд галт тэрэгний буудалд хурдан хүргэж өгөхийг шаардсан. Би ч байдгаараа гишгэж гарлаа. Буудалд ирээд буухдаа миний цүнхнээс банкны карт байсан түрүүвчийг маань аваад буучихсан. Хэдхэн минутын дараа миний дансанд байсан бүх мөнгө шилжигдсэн тухай мэссэж ирсэн-
Картанд нь цуглуулсан бүр мөнгө нь болох зургаан мянган доллар нь байжээ. Баян сайн ах нь ердөө маргааш л буцаагаад өгчихнө хэмээн тайвшруулаад картыг нь буцааж өгчээ. Харин маргааш нь шал өөр зан гаргаж эхэлжээ. Тэрээр бүсгүйг амиа бодсон хувиа хичээсэн хэмээн загнасан байна. Энэ өдрүүдэд түүнийг дайлж тансаглуулахад бараг 100 мянган доллароо зарцуулаад байхад өчүүхэн мөнгөө нэхлээ хэмээн буруутгажээ.
.jpg)
Бараг шоконд орох шахсан бүсгүй гэртээ ирээд Жеймс Уолш гэдэг нэрээр нь цахимаас хайлт хийжээ. Гэтэл цочирдмоор үр дүн гарсан байна. Өөрийгөө банкны менежер хэмээн таницуулсан сайн ах нь үнэн хэрэгтээ Дэвид Овертон гэдэг мэргэжлийн луйварчин байж таарчээ.
-Тэр 2017 оны 2-р сард 15 сарын хорих ялаар шийтгүүлж байсан. Миний мөнгө ч одоо өнгөрсөн байх. Гэхдээ би бусад бүсгүйчүүдийг над шиг мэхлүүлэхээс нь сэрэмжлүүлж чадсандаа сэтгэл хангалуун байна-
Сайн ах нь өмнө энэ аргаар хэд хэдэн эмэгтэйг хуурч мөнгийг нь хоосолжээ. Аймшигтайгаар залилуулсан Анна цагдаад өргөдөл гаргасан байна.
НУУЦ.мн
