Казакстанд Чингис хааны ГЕНИТЭЙ болохыг нь баталсан сертификат олгож эхэлжээ
Нийтэлсэн: 2018-01-29 00:56:59
.jpg)
Энэ улсын ерөнхийлөгч Нурсултан Назарбаевын нэрэмжит Их сургууль Чингис хааны удмынх буюу Чингисийн генитэй болохыг нь баталсан сертификатыг гадаад додоодын иргэдэд олгож эхэлжээ. Өөрийгөө домогт байлдан дагуулагчийн удам гэж үздэг хүмүүс ирж ДНК-ын шинжилгээ өгч байна. Шинжилгээгээр Чингис хааных гэдэг нь нэгэнт батлагдсан Y-хромосомтой гэж гарвал энэхүү сертификатыг олгож байгаа аж. Чингис хааны генитэй гэдгээ улсынхаа хамгийн нэр хүндтэй сургуулийн эрдмийн зөвлөлөөр батлуулах нь тухайн хүнд нэр төрийн ихээхэн ач холбогдолтойд тооцогдож эхэлжээ. Шинжилгээ өгөгсөдийн дунд улстөрийн намын гишүүд болон төрийн албан хаагчид олноороо байгаа гэнэ. Мөн гадаадын иргэд ч цөөнгүй хандах болжээ. Хөрш Орос, Киргиз зэрэг улсаас гадна Хятадаас ирэгсэд шинжилгээ өгч сертификат авч байна. Бүр Тайваниас ч хандсан гэнэ. Генетикчдийн судалгаагаар Чингис хаан хамгийн олон удам үлдээсэн нь нэгэнт нотлогдсон агаад Их хааны Y-хромосом Азийн 16 сая гаруй эрэгтэйчүүдэд удамшин үлджээ. Казакстаны ерөнхийлөгчийн нэрэмжит энэ их сургуульд эхлүүлсэн энэ төсөл нь Чингис хаан нь казак үндэстэн байсан, Казакстан нь нүүдэлчдийн төрт улсын өлгий мөн гэх үзлийг батлах хөтөлбөрийн хүрээнд хийгдэж байгаа нэгэн арга хэмжээ аж. Манайд хунтайж П.Давааням мөн иймэрхүү сертификат өгдөг ч Казакстаны төслийн дэргэд дэндүү өчүүхэн юм.
bitgii muruudutsguu