Нөхрөө педофил гэдгийг ГЭРЛЭСНИЙ дараахь 14-дэх хоногт мэджээ
Нийтэлсэн: 2018-01-25 14:15:32
.jpg)
The Sun-д мэдээлснээр өдгөө Шотландын Перт хотын 35 настай эмэгтэй Лиза Грейн зовлон шаналалд хязгаар үгүй болжээ. Тэрээр өөрөөсөө 10 насаар дүү, 25-тай сэтгэл татам хархүү Жон Грейтэй гэрлэхдээ бүх зүйл ийнхүү буруугаар эргэнэ хэмээн төсөөлөөгүй биз. Бүсгүйн ирээдүйн нөхөр нь бага насны хүүхдийг садар самуунд уруу татагч буюу педофил гэгдэн сэжиглэгдэж 2016 онд хоёр удаа ч цагдаад байцаагджээ. Энэ нь тухайн оны 9 болон 12-р сард болсон агаад цагдаа нарт Жон нь Facebook болон WhatsApp-аар танилцсан өсвөр насны гурван охиноос нүцгэн зургийг авах гэж ятгаж бас дарамт шахалт үзүүлж байсан гэх баримт авагдсан байжээ. Цагдаагийн хараанд орсон гэдгээ ойлгосон өөдгүй эр тэр дороо л хоёр хүүхдийн ээж ганц бие эмэгтэйг уургалж авсан нь Лиза байжээ. Педофил эр цагдаагийн сэжиглэлийг сулруулах гэж хаалт халхавч болгон өрх толгойлсон эмэгтэйтэй гэрлэж өөрөө хоёр хүүхдийн хойд аав, үлгэр жишээч гэр бүлсэг нэгэн болж харагдах гэжээ.
.jpg)
Гэхдээ цагдаа нар үүнд нь хууртагдаагүй аж. Жон Лиза нарын аз жаргалт хуримаас хоёрхон долоо хоногийн дараа гэрт нь зохих зөвшөөрлийн дагуу нэгжлэг хийж нөхрийх нь хувийн нотебуукд үзлэг хийжээ. Үзлэгээр нотебүүкнээс бага насны хүүхдийн 50 гаруй нүцгэн зураг, хоёр ч бичлэг гарч ирэхийг Лиза нүдээрээ харж ухаан алдах шахсан гэнэ.
.jpg)
-Тэр муухай зурагтай нотебүүк нь миний хоёр хүүхдийн хичээлээ хийдэг ширээн дээр байж байдаг л байсан. Хүүхдүүд маань үзээгүй нь ямар их аз вэ. Бидний гэрлэлт ингээд дууслаа-
Жон Лиза нар хуримаа даруухан хийсэн агаад нийтдээ зургаан мянган доллар зарцуулжээ. Өдгөө тэрээр болсон бүхнийг мартахыг хичээж байна.
NUUTS.mn
