Тэмцэж олсон 300 мянгыг тань шатахуун үнэ өсгөөд БУЦААЖ авлаа
.jpg)
Ийнхүү өнгөрсөн жилийн намаржин тэмцэж жагсаж, эсэргүүцэж байж олж авсан багш эмч нар гээд төсвийн ажилтнуудын 300 мянган төгрөгийн буцалтгүй нэмэгдлийг Засгийн газар шатахууны үнийг өсгөөд л буцаагаад авчихлаа. Өдгөө литр тутамд нэмэгдсэн шатахууны үнээс болж өргөн хэрэглээний бүх барааны үнэ өснө. Бараа тутамд 200-500 төгрөгөөр өсөх тооцоо гарсан байна. Ийнхүү У.Хүрэлсүхийн Засгийн газар баруун гараараа 55 тэрбум төгрөг өгсөн ч зүүн гараараа түүнээс ч ихийг буцааж авчээ. Эцсийн эцэст энэ бүхнээс засаг л хожиж иргэд хохиров. Авч байх энэ үед энэ мөнгө нь өгсөн хүндээ ч том, авч байгаа хүндээ ч их мөнгө байсан биз. Харин одоо 300 мянган төгрөг авсан төсвийнхөн шатахууны өсөлтөөр 500 мянган төгрөгийг буцааж алдах нь ... Одоо цаашид цалингаа нэмүүлэхээр эсэргүүцсэн ч засаг хөдлөхгүй бас тоохгүй. Нэг гараараа өгөөд нөгөө гараараа буцаан авсан Засгийн газрын дамшиглал нь иргэдийг хойшид цалин нэмүүлэх гэж жагсаад хэрэггүй, дуугай л өгсөн цалинг аваад сууж бай гэсэнтэй адилхан сонсогдож байна.
НУУЦ.мн
