300 мянган юаныг нь үрсэн найз залуугаа ЭМЭГТЭЙ хүн болохыг нь хаягдсаны дараа л мэджээ
Нийтэлсэн: 2018-01-10 09:15:12
.jpg)
Mirror-д мэдээлснээр Хятадын Чжэцзянг хотын 40 настай ганц бие ээж Вонг Ли зүрх сэтгэлээрээ төдийгүй мөнгөөрөө хохирч тун хүнд байдалд ороод байгаа гэнэ. Нөхрөөсөө салсаны дараа тэрээр охиноо ганцаараа өсгөх гэж ихээхэн зовжээ. Ажил болон ар гэрийн амьдралдаа дарагдсан түүнд янаг амрагийн явдалд зарцуулах цаг боломж ч гарахгүй байсаар 40 насыг шүргэжээ. Гэсэн ч танилцах сайтад бүртгүүлэн таарч тохирох хүн хайсаар байсан гэнэ. Ингэж яваад Цянь гэдэг залуутай танилцжээ. Залуухан царайлаг эр хүүхэдтэй түүнээс цэрвээгүй агаад хоорондоо харилцаж эхэлсэн байна. Ингээд удалгүй уулзаж романтик харилцаатай болжээ. Эмэгтэй залуугаа өөрийн зардлаар урьсан гэнэ. Залуухан амрагдаа ухаан алдсан тэрээр бэлгийн харьцаанд орох гэхэд залуу нь татгалзжээ. Тэрээр ёс журамтай гэр бүлээс гаралтай тул суух хүртлээ эр эмийн ажил хийхгүй гэсэн байна. Ийнхүү үнсэлдэхээс хэтрэхгүй байсан ч эмэгтэй улам бүр татагдсан байна. Тэрээр залуухан амрагаа дааж аялал зугаалганд авч явжээ.
.jpg)
Мөн санхүүгийн хувьд ивээн тэтгэж байсан аж. Харилцаа даамжирсаар сүүлдээ залуу амрагаа эцэг эхтэйгээ хүртэл танилцуулжээ.
.jpg)
Харин үүний дараа суух залуу нь гэнэтхэн хамаг юмаа аваад усанд хаясан чулуу мэт алга болжээ. Тэрээр энэхүү хагас жилийн хугацаанд эгчмэд эмэгтэйн 300 гаруй мянган юаниар тансагласан байжээ. Болсон явдалд цочирдсон эмэгтэй хувийн мөрдөгч хөлсөлж зугтсан амрагаа хайлгажээ. Тэд ч мөрдсөөр олсон агаад харин амраг нь эр хүн биш болохыг нь хэлж ухаан алдуулах шахсан байна.
.jpg)
Баримт нотолгоо болгож “залуугийн” бичиг баримтын хуулбарыг авчирсан нь эмэгтэй хүн болох нь нотлогджээ. Өдгөө хамаг заль нь илчлэгдсэн Цянь хэвлэлийхнээс зугтааж байгаа бол эцэг эх нь эр хүний амьдрлаар амьдардаг охиныхоо талаар дэлгэрэнгүй ярилцлага өгчээ. Охин нь багаасаа л эрэгтэй хүүхдийн хувцас өсөх дуртай, хөвгүүдтэй тоглодог хүүхэд байжээ. Харин шунахай зорилгоор ганц бие эмэгтэйг хуурч мөнгийг нь үрсэн гэдгийг хүлээн зөвшөөрөхгүй гэжээ.
НУУЦ.мн
