Нууц мэдээллийн уурхай

УИХ-ын бас нэгэн гишүүн бүсэлхийнээс доогуурхи явдлын хэрэгт холбогдсон шуугиан дэгджээ. Тэрээр компьютерийнхээ дэлгэцийн өмнө сууж байгаад ичимдэг эрхтнийхээ зургийг нутгийн бүсгүйдээ явуулсан юм байх. Ямар л олигтой юм харагдах вэ дээ ... Ийнхүү төрийн ордонд залардаг “бандааштнуудын” тоо геометрий прогрессоор өсөж байна. УИХ –д МАН, АН, МАХН, бие даагчдын төлөөлөл суудаг. МАН-аас эхэлж гарлаа, араас нь залгаад буухиаг нь АН авлаа. Ардын намын залуу “гуссан” гэх хэрэгт холбогдоод байгаа бол АН-ын эр “гуурныхаа” зургийг явуулсан гэнэ. Одоо МАХН, бие даагчид үлдэж байна. Гэхдээ нэг нь Ертөнцийн эзний төгс гэгээрсэн хүү нөгөө жинхэнэ монгол хүн тул арай тийм бузартай зүйл хийхгүй биз. Энэ удаагийн УИХ нь Монголын улстөрийн түүхэн дэх хамгийн бузартай гэдгээрээ алдарших байх. Хамгийн санаанд оромгүй хэргүүд гарч хамгийн олон заналхийлалсэн хэргүүд дэгдлээ. Муу нэртэй хэргийг нь ярихаа больё гэхэд нэг гишүүнээ “гэр бүлээр нь хүйс тэмтэрнэ” гэж заналхийлсэн хүнээ МАН оны шилдэгээр шалгаруулаад л явж байна.

 

 

Бичлэгийг энд дар ...