Нууц мэдээллийн уурхай

Өнөөдөр Төрийн ордонд “Утаа бууруулах технологийн шийдэл” танилцуулга үзэсгэлэнг Нийслэлийн Засаг даргын Тамгын газраас Засгийн газрын дэмжлэгтэйгээр зохион байгуулжээ. Энэ арга хэмжээнд Ерөнхий сайд У.Хүрэлсүх, хотын дарга Су.Батболд нар оролцов. Утааг хариуцах учиртай БОАЖ-ын харагдахгүй атал ГХ-ийн сайд нь зуух гайхан сонирхон үзэж явна.  Засгийн газар утааны эсрэг янз бүрийн шийдэл гаргаж байгаа ч өнөөх л зуух, дулаалга хоёрынхоо хооронд эргэлдэж байгааг өнөөдрийн арга хэмжээ харууллаа. Ерөнхий сайдад хонины нэхийгээр хийсэн туурга ихэд таалагдаж түүнийг магтав.Уг нь ноосоор эсгий дээвэр туурга хийдгийг эрхбиш мэдэх байлгүй.  Бодвол нэг нөхөр хонины нэхийг залгаж оёод гэрийн дээвэр туурга хийжээ. Удахгүй гэр хорооллуудад шахаж магад. Ийнхүү засаг утааны уг үндэмтэй бус харин үр дагавартай нь тэмцсээр байна. Утаа байх нь улстөрчидөд ашигтай. Ядахдаа хонины нэхийгээр хийсэн дээвэр туурганы бизнес хөгжинө. Утаатай орчин үеийн арга технологиор тэмцмээр юм. Хонины нэхийгээр гэрээ дулаалбал 13-р зуун руугаа очсонтой адил биз.

 

Бичлэгийг энд дар ...

 

 

НУУЦ.мн