Угаалгын машин зээлээр авсан биеэ үнэлэгч ТӨРӨӨД 30 минутын дараа л ажилдаа гарчээ
Нийтэлсэн: 2018-01-03 08:48:18
.jpg)
Англи даяар цагдаагийн байгууллагад туслах сайн дурын “PCSO”/ police community support officer/ нөхөрлөлүүд ажилладаг. Энэ нөхөрлөлийнхэн голдуу гудамжны бие үнэлэгчид, гэмт хэрэгт холбогдож болзошгүй өсвөр насныхан, донтогсод болон архичидад чиглэсэн үйл ажиллагаа явуулж цагдаагийн байгууллагад тусалдаг гэнэ. Хэвлэлийнхэн Кингстон хотын цагдаагийн газрын дэргэдэх “PCSO”-гийн идэвхтэн гишүүнээр 10 жил ажиллаж байгаа нэгэн эмэгтэйн нэг өдрийн ажлын тухай сурвалжлага бэлджээ. Идэвхтэн эмэгтэй хотын биеэ үнэлэгчидтэй ажилладаг аж. Түүний хэлсэнээр гудамжны биеэ үнэлэгчид, донтогсод, танхай залуус нэгэнт ороогдсон нөхцөл байдлаасаа сугарч гарахад маш хэцүү байдаг гэнэ.
.jpg)
-Манай хотын биеэ үнэлэгчдийн 30 гаруй хувь нь багадаа гэр бүлийн хүчирхийлэлд өртөж байсан гэсэн судалгаа гарсан. Тэд бага насандаа хүчирхийлүүлж зодуулж дарамтлуулж байсан. Сургуульд ч мөн хүчирхийлэлд өртөж байсан. Хүчирхийлэл доромжлол нь тэдний хувьд байнгийн зүйл байсан. Биеэ үнэлэгчдийн цөөнгүй хэсэг нь өсвөр наснаасаа орон гэрээсээ зугтаж сургууль завсардсан байдаг. Одоо ч гэсэн өөрийн гэх орон гэргүй буудал дамжин хоног төөрүүлдэг-
Тэрээр хотынхоо гудамжны биеэ үнэлэгчдийг бараг нэр усаар нь мэддэг гэнэ.
.jpg)
-Төрөөд 30-хан минутын дараа ажилдаа гарч гудамжинд зогсож байсан биеэ үнэлэгч эмэгтэйг мэднэ. Тэр жирэмсэн байхдаа угаалгын машин зээлээр авсан юм. Нэгэнт зээлээр авсан тул төлбөрөө төлөх хэрэгтэй. Ингээд л өвлийн хүйтэнд гудамжиндаа эргээд гарсан-
.jpg)
-Биеэ үнэлэгчид голдуу 20-30 насныхан байдаг. Гэхдээ 60 гарсан хоёр эмэгтэй бас бий. Одоо цаг хар тамхи болон хүний наймаа маш их хавтгайрсан. Хотод охид бүсгүйчүүдийг хүчээр биеийг нь үнэлүүлдэг гэмт бүлэглэл олон бий. Нэгийг нь баривчлахад ахиад л гараад ирдэг. Тэд эмэгтэйчүүдийг хар тамхинд оруулж өөрсдийн хараат болгодог-
NUUTS.mn
