Нууц мэдээллийн уурхай

SoraNews24 -д мэдээлснээр Наран улсад Зул сарын баяр нь хамгийн романтик баярт тооцогддог гэнэ. Шинэ жилийн баяраар гудамж талбай хөтлөлцөж сугадалцаж бас тэврэлдсэн зугаалах дурлалт хосуудаар дүүрч үзвэр үйлчилгээний газрууд тэдэн лүү чиглэсэн олон төрлийн үйлчилгээ худалдаа, арга хэмжээ зохион байгуулдаг.  Гэтэл Зул сарын баярын романтик хосуудыг эсэргүүцэгчид байдаг нь “Ганц иргэдийн хувьсгалт альянс”/Revolutionary Alliance of Unpopular Men/ гэдэг байгууллага гэнэ. Энэ хөдөлгөөнийхөн гуравдахь жилдээ эсэргүүцлийн жагсаал хийжээ. Тэд Зул сарын баяр, баяраар романтикладаг хосуудыг эсэргүүцсэн уриа лоозон барьж Токио хотын төв гудамжаар жагсаж уриа хашгирчээ.

“Зул сарын баярыг устгая”, “Бидэнд ийм баяр хэрэггүй”, Хосгүй байх нь ялгаварлах шалтгаан биш” гэх мэт бичиг барьжээ. Энэ альянсад голдуу ганц бие эрчүүд эвлэлдэн нэгдсэн агаад баяр ёслолын үеэр хамт тэмдэглэх хосгүйдээ бухимддаг аж. Мөн  Зул сарын баяраар нийгэм даяар дурлалт хосуудад чиглэсэн үйл ажиллагаа явагддаг нь өөрсдийг нь дорд үзсэн хэрэг хэмээн эсэргүүцдэг. Энэ удаагийн жагсаалын үеэр альянсынхан нэгэн их дэлгүүрийн өмнөх сүлд модыг шатаах гэхэд цагдаа таслан зогсоожээ. 

Тэд мөн гэгээн Валентины баяраар ч эсэргүүцлийн жагсаал хийдэг аж. 

Одоогоор альянс нь 80 гаруй байнгийн идэвхитэй гишүүдтэй гэнэ.