"Хувьсгалаар" хурцлагдсан ХҮРЭЛСҮХИЙН ир Хурцын томилгоонд мохлоо
Саяхан болж өнгөрсөн МАН-ын их хурал дээр шудрага үнэний туйл Ц.Нямдорж сүүлийн нэг сард нам дотор болсон үйл явдлыг Ардын хувьсгалтай зүйрлэж шуугиан тарьсан. Ардын намын дээд зайдагнасан бүлэглэлийг унагаж ардын хүү Хүрэлсүх гарч ирсэн нь нам доторхи хувьсгал байжээ. “Хувьсгалаар” төрөгсөд ийнхүү төрийн эрхэнд гарлаа. Олон нийтийн хувьсгалчдаас хамгийн түрүүнд хүсэж байгаа зүйл нь шудрага ёс байсан. Гэсэн ч хувьсгалчид тогтоож чадсангүй, тогтоохыг ч хүсэхгүй байгаа нь олны дургүйцлийг төрүүлсэн Б.Хурцын томилгоо баталлаа. “Жинхэн шудрага эр хүн” гэдэг имижтэй Ерөнхий сайд У.Хүрэлсүх “аймаар хүн” гэдэг имижтэй Б.Хурцын өмнө бөхийж өрөөндөө урин уулзаж Өмнөд Солонгос гэдэг сайхан улсад амарч стресээ тайлахыг санал болгожээ. Тагнуулын экс дарга үнэхээр хоншоортой эр юм. Ц.Элбэгдоржтой онгоцонд таарч буухдаа АТГ-ын дэд дарга болчихсон байсан бол У.Хүрэлсүхийн өрөөгөөр шүргээд гарахад л элчин сайд болооч гэж гуйлгуулжээ.
Ерөнхий сайд ийм зусардсан санал тавьсан нь гайхалтай. Түүнийг “Топор ахаа” хэмээн авгайлдаг “Херо” Баатар нь хүртэл үүнд эгдүүцсэн. Найруулагч дүү нь бичлэг задарсан мөчөөс эхлэн тагнуулыхны хийсэн ажил хэмээн зарласаар баталсаар ирсэн. Хоёрхон хоногийн өмнө болсон нээлттэй сонсголын дүгнэлтэнд ч “Херо” Баатар У.Хүрэлсүх нарын бичлэгийг Б.Хурц задалсан хэмээн цагаан дээр хараар бичсэн.
.jpg)
Гэтэл ингэж араас хутгалсан хүнийг жинхэнэ эр хүн маань Г.Баярсайханыг цохиод унагасан шигээ цохих байсан ч тэгсэнгүй. Харин ч өрөөндөө дуудан уулзаж гадаад улсад амрахыг санал болгожээ. Ийнхүү У.Хүрэлсүхийн ир энэ томилгоо дээр мохжээ. Хүрэлсүх мохоо сүх байжээ. Тагнуулын даргад дахиад задлахаар ч зүйл байгаа гэдэг нь үүнээс тодорхой боллоо. Тийм ч учраас энэ хүнийг дэвшүүлэн зайлуулж байна. Хүн байхгүй бол асуудал байхгүй гэдэг. Хурц байхгүй бол Хүрэлсүхэд асуудал үүсэхгүй аж.
НУУЦ.мн
