600 доллартай цүнхийг бороонд 3 цаг МАНААД 50 долларын шагнал авчээ
Нийтэлсэн: 2017-12-18 13:51:54
.jpg)
Бороотой хүйтэн өдөр Жэймс гэдэг орон гэргүй эр гадуур тэнэж яваад нэгэн офисийн барилгын хажуугийн зогсоолд тансаг машины жолоочийн талын цонх нь онгорхой, суудал дээр нь цүнх байгааг ажиглажээ. Цүнхэнд мөнгө байгаа нь цухуйж харагдсан гэнэ. Дараа нь 600 доллар бэлнээр байсан нь мэдэгдсэн. Орон гэргүй эр цүнхийг аваад зугтаахын оронд харуулд гарч эзнийг нь хүлээжээ. Тэрээр бороонд бараг гурван цаг зогссон гэнэ. Гэсэн ч эзэн нь ирээгүй тул зурвас бичиж үлдээгээд цүнхийг авч офисийн байрны хамгаалалтын албанд хүлээлгэж өгчээ. Мөнгөний эзэн Жон Макмонагл удалгүй гарч ирээд зурвасыг уншиж хамгаалалтын албанаас цүнх мөнгөө бүрэн бүтэн хүлээн авсан байна.
.jpg)
Маргааш нь Жэймс ирж мөнгөө авсан эсэхийг асуухад тэрээр талархал илэрхийлж 50 доллароор гарыг нь цайлгажээ. Мөн түүнд туслах хөдөлгөөнийг цахимаар өрнүүлж байна.
NUUTS.mn
