Нууц мэдээллийн уурхай

 

2016 оны байдлаар Наран улсад 70-аас дээш насны дөрвөн сая гаруй хүн жолоо барьдаг гэсэн тооцоо гарсан. Мөн 50-70 хүртэлхи насны зургаан сая гаруй иргэн жолооны үнэмлэхтэй, хөдөлгөөнд оролцдог гэнэ. Сүүлийн таван жилд ахмад настнуудын гаргасан зам тээврийн осол зөрчил эрс нэмэгдсэн тул эрх баригчид тэднийг жолоо барихаас татгалзахыг уриалж байна. Үүний хариуд муж бүрд олон төрлийн хөнгөлөлт амлаж байгаа аж. Хонсю арлын  Айти мужид жолооны үнэмлэхээ сайн дураараа хураалгасан ахмадууд Sugakiya сүлжээ зоогийн газрын 70 ресторанд 15 хүртэлхи хувийн хөнгөлөлт эдлэхээр болжээ.   Харин Айчи мужийн захиргаа  жолооны үнэмлэхээ хураалгасан ахмадууд өвөрмөц хөнгөлөлт үзүүлж байна.  Жолоо барихаас татгалзасан ахмадуудад мужийн буяны нэгэн компаний оршуулгын үйлчилгээнд 20 хүртэлх хувийн хөнгөлөлт эдлэх  эрхийн бичиг тараажээ. Мөн бусад мужуудад такси, нийтийн тээврээр хөнгөлөлттэй үйлчлүүлэх карт өгч байгаа аж.  Өнгөрсөн хавар 70-80 насны иргэн нэг өдрийн дотор дараалсан том осол гаргасан нь олон нийтийг цочроосон. Мияги мужийн Сендай хотод жолоо барьж байсан 80 настай ахмадын бие гэнэт муудсанаас машин нь эмийн сан луу дайрч орсон. Мөн энэ өдөр хааз тоормосоо андуурч будилсан 70 настай жолооч бас л машинаараа дэлгүүр лүү дайрч оржээ. Орой нь 70 настай эмэгтэй жолооч жолоогооо алдсанаас эмнэлэг рүү дайран орж 13 хүнийг хүнд хөнгөн гэмтээсэн аж.

 

 

NUUTS.mn