Нууц мэдээллийн уурхай

Д.Жигжиднямаа  төмөр замын удирдах бүрэлдэхүүнийг эрүүгийн хэрэгт ял хүлээгсэдээр дүүргэх шахсан. Гэсэн ч олон нийт болон хуулийн шахалтанд орж чөлөөлж эхэлсэн. Харин энэ хэрэг явдал авилгалын хэрэгт ял хүлээсэн Ж.Пунцагийг Дотоод аудит, хяналтын албаны даргаар ажиллаж байхад буюу 5-р сарын сүүлээр гарчээ. Тухайн үед тус албаны  Дотоод аудитийн хэлтсийн дарга Д.Сарантуяа нь нэгэн ажилтнаа  өрөөнөөсөө түлхэж гаргасны улмаас ажилтны толгой доргижээ. Ажилтныхаа тархийг доргитол түлхсэн дарга нь эмэгтэй хүн гэнэ. Бяртай л эмэгтэй аж. Толгойдоо доргилт авсан ажилтан энэ тухайгаа удирдлагадаа мэдэгдээд чөлөө авч төмөр замын эмнэлэгт үзүүлж мөн зодуулсан тухайгаа төмөр замын цагдаад гомдол гаргаж өргөдөл бичиж өгчээ. Цагдаа өргөдлийн дагуу тайлбар авсан байна. Мөн гэмтлийн зэргийг нь тогтоохоор шинжээч томилсон аж. Өдгөө энэ хэрэг хэрхэн шийдэгдсэн нь тодорхойгүй байна. Зодуулсан гэх ажилтан буруутан болсон байж ч болох юм. Гэхдээ хэрэг явдал ажлын цагаар ажлын байранд нь болсон нь тодорхой байна. Үүнээс үзэхэд төмөр замын дарга нар ажилтнуудынхаа чихэнд нь бус биенд нь “хэлдэг” аж. Илэрч байгаа хэргээс  харахад иймэрхүү явдал олон гардаг бололтой.  Эрүүгий хэрэгт шийтгэгдсэн дээд дарга нарын зан харьцаа доод удирдлагад нь ч ийнхүү илэрч харагдах болжээ.

 

 

НУУЦ.мн