Оросын баячууд хүүхдүүдийг нь ХАНИАД хүргэвэл цэцэрлэгийг дампууруулна гэж сүрдүүлжээ
Нийтэлсэн: 2017-12-10 05:08:41
.jpeg)
Мk.ru-д бичсэнээр Москвагийн баячуудын Рублёвка хорооллын нэгэн хувийн цэцэрлэгт эцэг эхчүүдээс тулган шаардах бичиг иржээ. Тэдний гарын үсэг зурсан тулган шаардалтанд хэрвээ хүүхдүүдийн нэг л нь ханиад хүрвэл хүүхдүүдээ цэцэрлэгээс бүрмөсөн гаргана хэмээн сүрдүүлсэн байна. Тус цэцэрлэгт эцэг эх нь Англи, Франц, Итали болон Америкийн Майми, Флорида мужид байнга ажиллаж амьдардаг баячуудын хүүхдүүд явдаг аж. Тэдгээр хүүхдүүд халуун дулаан орны зөөлөн уур амьсгалд дассан тул Оросын хүйтэн өвөлд ирэнгүүтээ тэр дороо ханиад хүрдэг гэнэ. Нэгэн ажил хэрэгч эмэгтэй “Өвлийн хагасыг би гэр бүлийн хамт Маймид өнгөрөөдөг. Харин Оросд ирэнгүүт л охин маань өвддөг. Ёстой аймшигтай юм. Үүнээс болж загварын хэд хэдэн чухал шоунд оролцож чадаагүй. Бид цэцэрлэгийн захиргаанд хүүхдүүдийг маань ханиаднаас бүрэн хамгаал, эсвэл хүүхдүүдээ гаргана гэж тулгасан. Ер нь бид юуны учир мөнгө төлж байгаа билээ” хэмээн бухимджээ. Сандарсан цэцэрлэгийнхэн доорхи арга хэмжээг авсанаа дуулгажээ. Дархаа сайжруулах хоол хүнсийг өгч , хүүхдүүдийг өдөр бүр эмчийн үзлэгт оруулж байхаар болжээ.
НУУЦ.мн
