Нууц мэдээллийн уурхай

МАН-ныхан ямар хүнд эрх мэдэл өгсөнөө харж толгойгоо шаах үе энэ мэтээр олонтоо гарна. Засгийн газар хуралдаанаар Ашигт малтмал, газрын тосны газрын дарга Б.Баатарцогтыг үүрэгт ажлаас нь чөлөөлж оронд нь Х.Хэрлэнг  томилжээ. Улстөрийн хүрээнд  тэрээр Ерөнхий сайдтай тун дотно дүү нь гэж явдагийг бүгд мэднэ.  У.Хүрэлсүхийн хувьд дүүгээ өмнө нь энэ газрын даргаар томилуулах гэж хэдэнтээ зүтгүүлж байсан гэдэг. 2000 оноос хойшхи Ерөнхий сайд нарт энэ тухай хүсэлт удаа дараа гаргаж байсныг  МАХН-ын дарга Н.Энхбаяр нэгэн удаа ам алдаж байсан. Х.Хэрлэн өмнө нь тус газарт Кадастрын газрын даргаар ажиллаж “Кадасртын” гэгдэх болсон. Шинэ томилгоо хийгдсэнээр УУХҮ-ийн сайд Д.Сумьяабазарын эрх ашиг хөндөгдлөө. Замбараагүй олгогдсон ашиг малтмалын лицензүүдийг цэгцэлнэ хэмээн том амласан тэрээр өөрийн хүнээ АМГТГ-ын даргаар томилж байж  амлалтаа биелүүлэх байсан. Болсон явдал У.Хүрэлсүх сайд нарынхаа үгийг сонсдоггүй гэдгийг ахин баталлаа. Д.Цогтбаатард хэлэлгүй Б.Хурцыг элчингээр явуулахаар шийдсэн. Н.Чинзориг сайд эрүүл мэндийн  даатгалын сангаа алдсан. Д.Сумьяазар өмнө нь АМГТГ-ыг нь булаах гэсэн ЗГХЭГ-ын дарга Г.Занданшатар, Сангийн сайд Ч.Хүрэлбаатар нартай “нэгийгээ үзэж нэхий дээлээ тайлах”-даа тулж байсан. Харин энэ удаад бас л дуугай сууна.  Энэ Засгийн газрын сайд нар өөрийнхөө нэр хүндийг салбарынхан дундаа төдийгүй олон нийтийн өмнө хамгаалж чадахгүй Ерөнхий сайддаа алхам тутамдаа буулт хийж явна. Номхон тэмээг ноолоход амар гэдэг. Өөрсдийг нь ингэж ноолох эрхийг өөрсдөө л өгсөн. Хэт их эрх мэдэл захирах тушаах дуртай хүний гарт ийнхүү оржээ. 

 

 

НУУЦ.мн