Гэрлэх санал тавьж сөгдөхдөө үнэтэй ПҮҮЗЭЭ тайлсан залуугийн бичлэг шуугиан тарьжээ
Нийтэлсэн: 2017-12-05 07:48:05
.jpg)
Техас мужийн Хьюстон хотын фитнесс дасгалжуулагч Крис Грин хоёр жил үерхсэн найз бүсгүй Элизабетдаа гэрлэх санал тавихдаа пүүзээ тайлжээ. Тэрээр ердөө өмнөх өдөр нь “Jordan Air 11” загварын пүүзийг 200 доллароор худалдан аваад байсан гэнэ. Тийм учраас сөгдөхдөө шинэ пүүзийнхээ хоншоорыг нугалахгүйн тулд өрөөснийг нь тайлжээ. Цахим хэрэглэгчид залуугийн үйлдлийг хоёр талаас нь хэлэлцжээ. Зарим нь өмссөн хувцсандаа гамтай ханддаг хэмээн магтсан нөгөө хэсэг нь хайртынхаа төлөө золиослол гаргах сэтгэлгүй гэж бичжээ. Хэрвээ гэрлэх санал тавьж байгаа бол бүхнийг ном журмын дагуу хийх учиртай гэжээ. Ийм чухал үед гутлаа тайлах нь үл хүндэтгэсэн хэрэг болох аж. Бүр зарим нэг нь өөрийг нь пүүзнээсээ дорд үзэж байгаа залуутай гэрлэх эсэхийг бодож үзэхийг Элизабетэд сануулжээ.
