Нууц мэдээллийн уурхай

 

Амны хаалт зүүгээд таван хуруугаа гозойлгосон Ерөнхий сайдын “биеийн хэл”-ийг ингэж л орчуулж болох юм. Одоо ердөө тавхан сар эсвэл ирэх жилийн 5-р сар хүртэл тэсчих гэж байгаа бололтой. Тэр үед утаа тэртэй тэргүй арилна. Гэхдээ бид хүрэл чулуугаар хийсэн биетэй биш тул тэсэх магадлал боломж тун бага байна. Харин Засгийн газар энэ хугацаанд амны хаалт зэргээр аргалахыг уриалж сууна. Гэтэл энэ нь иргэн хүний түвшинд, ээж аав нарын хэмжээнд авдаг арга хэмжээ юм.  Ерөнхий сайд утаанд дайнд зарласан. Хэрвээ амны хаалтыг зэвсэг болгож байлдах гэж байгаа бол салхин тээрэмтэй тулалддаг Дон Кихотын үлгэрээр дуусна гэдгийг ойлгохгүй байна. У.Хүрэлсүх  хүсэж байсан албандаа очсоноос хойш тулга тойрсон жижиг сажиг зүйлээр оролдож цагаа үрлээ.  Дуут дохиотой ноцолдсон. Одоо утааны эсрэг амны хаалтаар байлдах гэж байна. Гэтэл Ерөнхий сайдын хувьд тэрээр утааг бодлогийн түвшинд шийдэх том асуудлыг авч үзэх ёстой. Хотод шавсан олон их дээд сургуулиудыг нүүлгэхийн тулд өөдөөс сөрсөн олон эрх ашиг лоббийг  няцаах давж гарах эр зориг гаргах ёстой бас үүрэгтэй байсан. Гэтэл зориг гаргаж чадсангүй. Амны хаалт хэрэглүүлэх нь аав ээжийн, анги танхимд агааржуулагч тавих нь сургуулийн захирлын, уурын зуухыг хаах нь хотын даргын хийх ажил. Харин Ерөнхий сайд төвлөрлийг багасгах, их нүүдлийг хорих, хотын зарим байгууллага, дүүргийг нүүлгэх, гэр хорооллыг барилгажуулах асуудлыг шийдэх байсан юм. Даанч тойрч зугтаагаад байна. Харин амны хаалт, маскны бизнесийг хөөргөөд л дууслаа даа...

 

 

NUUTS.mn