Фейсбүүкийн эрэгтэй найз нарых нь дарсан “ЛАЙК” бүрийн тоогоор эхнэрээ цохиж хөх няц болгожээ /14+/
Нийтэлсэн: 2017-11-30 06:52:24
.jpg)
Парагвай улсад гарсан гэр бүлийн хүчирхийллийн аймшигт жишээг The Daily Mail мэдээлжээ. Немби хотын 32 настай Педро Эриберто Галеано гэдэг эр өөрийн эхнэр 21-тэй Адольфина Камелли Ортигосын цахим хэрэглээг байнга хянаж цагддаг байжээ. Үе үе “гэнэтийн шалгалт” оруулахаас гадна нууцаар ч шалгаж үзнэ. Хартай нөхөр нь сүүлийн үед найз болсон цахим хэрэглэгчид тэр тусмаа эрэгтэй найз нарыг нь хянаж бүртгэдэг байжээ. Мөн эхнэрийнхээ цахим хуудсанд оруулсан зургийг нь нэг бүрчилэн үздэг байв. Ялангуяа уг зурагт нь “лайк” дарсан эрэгтэй найз нарыг нь ихэд сэжиглэн харддаг. Лайк дарсан эрэгтэй найз нарыг нь нууцаар нарийн бүртгэж авч байсан гэнэ. Тэрээр өөрөөс нь арваад насаар дүү эхнэр нь цахимд хэт идэвхитэй олон ч найз нартайгаас гадна өөрийн зургаа байнга оруулдагт илт дургүйцэж ирсэн.
.jpg)
Сүүлдээ нөхөр нь биеэ барьж чадалгүй авсан “лайк” бүрийх нь тоогоор эхнэрээ цохиж зодож гарчээ. Нэг лайкийг нүүр болон биенд нь нэг цохих шийтгэлээр орлуулж эхэлсэн байна. Үүний улмаас эмэгтэй өдөр бүр шахуу байнга цохиулдаг болжээ. Нөхөр нь оройдоо цахим хуудсыгнь шалгаж авсан лайкны тоогоор нь хашраадаг бол эхнэр нь маргааш ахиад л зураг оруулдаг. Удалгүй эхнэр нь нүүр биендээ хөх няц болсон шарх сорвитой явдаг болжээ.
.jpg)
Орой эхнэрээ шийтгэхдээ хашгируулахгүйн тулд амыг нь боогоод цохидог болжээ. Гайхалтай нь эхнэр нь тэссээр ирсэн байна. Сүүлдээ бүсгүйн нэг хамаатан нь мэдэж цагдаад хандсанаар зэрлэг нөхөр нь баривчлагджээ. Хохирогчийг эмнэлэнгт аваачин биед нь үзлэг хийхэд эрүүл газар олдоогүй гэнэ.
.jpg)
Эмнэлэгт хамрын гажуудал уруулын хэвээ засуулах мэс засалд оржээ. Харин нөхөрт нь бусдыг байнга тамлан зовоосон, амь насанд нь халдахыг завдсан хэмээн буруутгаж 30 жилийн хорих ял оноох төлөвтэй байна.
NUUTS.mn
